
Bûldan: 200 sal jî derbas bibe em ê hesabê Koçgirî bipirsin 

2021-03-26 16:56:01


	&nbsp;

	STENBOL – Hevseroka Giştî ya HDP’ê Pervîn Bûldan, diyar kir ku di 100’emîn salvegera Komkujiya Koçgiriyê de êşan hevpar kirine û ev tişt goıt: “200 sal derbas bibe jî em ê hesabê pêkanînan bipirsin.”

	&nbsp;

	Hevseroka Giştî ya HDP’ê Pervîn Bûldan û heyeta pê re, piştî serdana xwe ya Komeleya Mala Cemê ya Maltepeyê çûn serdana Komeleya Koçgiriyê ya li navçeya Umraniyeyê. Serokê komeleyê Riza Karaman û rêveberên komeleyê Bûldan û heyeta pê re pêşwazî kirin.&nbsp;

	&nbsp;

	‘EM KOÇGIRî JI BÎR NAKIN’

	&nbsp;

	Di serdanê de destpêkê Serokê Komeleya Koçgiriyê Riza Karaman axivî û diyar kir ku di Komkujiya Koçgirî de gel êşeke mezin kişandiye û wiha got: “Em wê dîroka bixwîn ji bîr nakin. Heke em îro Elîşêr û hevrêyên wî venebêjin nikarin rojê bixwînin. Dayikên Koçgirî gelek êş kişandin. Ev qirkirin e. Piştî vê qirkiririnê li dijî Dersim, Agirî, Xarpêt û gelek herêman polîtîkayên komkujiyê hatine meşandin.”

	&nbsp;

	AQLÊ DEWLETÊ YÊ SED SALÎ

	&nbsp;

	Piştî Karaman Hevseroka Giştî ya HDP’ê Pervîn Bûldan jî axivî û diyar kir ku &nbsp;di 100’emîn salvegera Komkujiya Koçgiriyê de êşan hevpar kirine û ev tişt goıt: “Ferqa Komkujiya Koçgirî û komkujiyên Roboskî, Dersim, Mereşê ji hev cuda nîne. 200 sal derbas bibe jî em ê hesabê pêkanînan bipirsin.”

	&nbsp;

	Piştî axaftinan serdan bi pêxistina çirayê û bi rêxistina ji bo qurbaniyên komkujiyê bi dawî bû.

	&nbsp;