
Di operasyona Kampa Holê de 53 DAIŞ’î hatin girtin

2021-03-30 16:06:47


	&nbsp;

	NAVENDA NÛÇEYAN – Hêzên Ewlekariya Hundirîn a Bakur û Rojhilatê Sûriyeyê, diyar kir di operasyona xwe ya ku 3 roj in li Kampa Holê didomînin de 53 DAIŞ’î girtine.&nbsp;

	&nbsp;

	Hêzên Ewlekariya Hundirîn a Bakur û Rojhilatê Sûriyeyê, di 28’ê adarê de bi navê “Operasyona Mirovî û Ewlehiyê” li Kampa Holê ya ku malbatên DAIŞ’iyan lê dimînin dest bi operasyona berfireh kir. Ev operasyon 3 roj in didomin. Hêzên Ewlekariya Hundirîn a Bakur û Rojhilatê Sûriyeyê, têkildarî operasyonê daxuyanî da. Berdevkê Giştî yê Hêzên Ewlekariya Hundirîn Elî El-Hesen, Berdevkê Giştî yê Hêzên Sûriyeya Demokratîk (QSD) Gabrîel Kîno, Berdevkê Giştî yê Yekîneyên Parastina Gel (YPG) Nûrî Mehmûd û Endama Fermandariya Giştî ya Meclîsa Herêma Cizîrê Ewînar Dêrik tevlî daxuyaniyê bûn.&nbsp;

	&nbsp;

	Daxuyanî wiha ye:

	&nbsp;

	“Li ser esasê erka me ya mirovî, qanûnî û exlaqî, hêzên me di 28’ê Adarê de bi desteka QSD, YPG û YPJ’ê li Kampa Holê Operasyona ‘Mirovî û Ewlehiyê’ dan destpêkirin. Operasyon piştî ku gelek şêniyên kampê ji aliyê şane û endamên DAIŞ’ê yên li kampê veşartî ve hatin kuştin, her wiha piştî hewldanên çeteyan ên belavkirina fikrê terorîst û tundraw di nava zoarkên biçûk de, hat destpêkirin.

	&nbsp;

	53 DAIŞ’Î HATIN GIRTIN

	&nbsp;

	Piştî du rojan ji destpêkirina operasyonê em teqez dikin ku em pabendî mafên mirovan û peymanên navneteweyî ne ku mafên mirovan diparêzin. Hêzên me di operasyonê de li gorî pîvanên mirovî tevdigerin. Di du rojên bihurî de û heta niha 53 çeteyên DAIŞ’ê û di nav de 5 berpirsên şaneyên ku bûyerên terorê û tundî li kampê pêk dianîn, hatin girtin. Her wiha gelek telefonên destan û laptopên ku tê de agahiyên li ser şaneyên terorîstan hene, hatin desteserkirin.

	&nbsp;

	&nbsp;

	HETA TUNEBÛNA DAIŞÊ…

	&nbsp;

	Niha, em ji we re teqez dikin ku zêdetirî 5 hezar endamên me yên beşdarî operasyonê bûne, bi ruhekî berpirsiyar kar bikin da ku aramî û ewlehiyê ji şêniyên kampê û bi taybetî ji zarokan re vegerînin û wan ji xeteriya fikrên terorîst rizgar bikin.

	&nbsp;

	Wekî Hêzên Ewlekariya Hundirîn em teqez dikin ku heta tunekirina terorîstan li kampê, wê operasyona me dewam bike. Em destnîşan dikin ku Operasyona ‘Mirovî û Ewlehiyê’ di roja sêyemîn de bêyî astengî yan pirsgirêk ku bibin sedema derengmayîna operasyonê, bi rêve diçe.”

	&nbsp;