HDP: Em soza edaletê didin Emîne Şenyaşar 2021-04-03 15:23:09 ENQERE – HDP’ê diyar kir ku ji bo ku daxwaza Emîne Şenyaşar a edaletê pêk were wê têbikoşin û ev daxuyanî da: “Em soz didin Emîne Şenyaşar û hemû raya giştî ku îro nebe jî dê rojek edalet pêk were.”   Partiya Demokratîk a Gelan (HDP), ji bo nobeta edaletê ya Emîne Şenyaşar ku hevjîn û 2 kurên wê ji aliye xizm û parastvanên Parlamenterê AKP’ê Îbrahîm Halîl Yildiz ve hatin kuştin û kurê wê Ferît Şenyaşar ku li ber edliyeya Rihayê di roja 26’emîn de digirin daxuyaniyeke nivîskî da. Daxuyanî bi îmzeya Alîkarê Hevserokên Giştî yên HDP’ê yê ji Komîsyona Mafê Mirovan û Hiqûqê Berpirsyar e Umît Dede hat weşandin.    Di daxuyaniyê de danişîna komkujiyê ku duh li Meletiyê hatibû lidarxistin hat bibîrxistin û hat diyarkirin  k udi danişînê de parlamentere AKP’ê û malbata wî hatine parastin û fêhilkirin û ev ji bo Emîne Şenyaşar ev soz hat dayîn: “Dayika Emîne Şenyaşar li gel nobeta xwe ya edaletê jî nikaribûye  bi daraza ku siyasî bûye biryareke adilane bide dayîn. Weke Komîsyona Hiqûqê ya HDP’ê ji bo pêkanîna edalet tişta ji destê me bê em ê bikin. Em bi hişmendiya ku tu bûyer ji faîl re nemîne soz didin Emîne Şenyaşar û hemû raya giştî ku îro nebe jî dê rojekê edalet pêk bînin.”