
Di ‘Newrozê’de bersiva kesên ku dixwazin partiya me bigirin hat dayîn

2021-04-03 15:52:36


	AMED – Endamê PM’a HDP’ê Îbrahîm Erkul, di şahiya gel de diyar kir ku bi agirê Newrozê bersiva kesên ku dixwazin partiya wan bigirin hatiye dayîn û ev tişt got: “Ev gel û partî dîrok dinivisîne.”

	&nbsp;

	Rêxistina HDP’ê ya Amedê, ji bo ku spasiya Newrozê bike û bersiva girtina HDP’ê bide, li eywaneke dewetê ya li navçeya Yenîşehîrê şahiya gel li dar xist. Parlamenterê HDP’ê Dersim Dag, Semra Guzel, rêveberên navçe û bajar, nûnerên partiyên siyasî û rêxistinên sivîn ên li bajar û gelek welatî tevlî şahiyê bûn. Li eywana bi alên HDP’ê hat xemilandin pankarta “Wê HDP di rêya xwe bimeşe. Em ê HDP’ê biparêzin, Em ê vê nêrînê û kesên ku vê nêrînê afirandine bi her awayî biparêzin û bi awayekî bihêz radestî kesên li pey xwe bikin” hat daleqandin.

	&nbsp;

	‘DI NEWROZÊ DE BERSIV HAT DAYÎN’&nbsp;

	&nbsp;

	Şahiyê bi rêzgirtina ji bo kesên ku di têkoşîna demokrasi, azadî û aştiyê de jiyana xwe ji dest dane dest pê kir. Serokwekîlên Rêxistina HDP’ê ya Amedê Îrfan Soner û Gulşen Ozer, axaftina vekirina şahiyê kirin û destnîşan kirin ku bi beşdariya sed hezaran di Newrozê de bersiva mezin a kesên ku dixwazin HDP’ê bigirin hatiye dayîn û ji bo beşdariyê spasiyê herkesî kirin.&nbsp;

	&nbsp;

	‘GEL Û PARTÎ DÎROK DINIVISÎNE’

	&nbsp;

	Piştre Endamê Meclisa Partiyê (PM) ya HDP’ê Îbrahîm Erkul axivî û ev tişt got: “hem di 8’ê Adarê de hem jî di Newrozê de jin û ciwanên ku qadan tije kirin bersiveke bihêz dane faşîstan. Dê bi gel re li hemberî êrişan bê rawestandin. HDP bit irs û êrişan têk naçe. Di bingeha HDP’ê de felsefe û mîrateya berxwedaneke mezin heye. Ên ku ditirsin ew in, ji ber vê êriş dikin. Bila neyê jibîrkirin ku ev gel û aprtî dîrok dinivisînin.”

	&nbsp;

	ROJBÛNA OCALAN

	&nbsp;

	Di berdewamê de Erkul, bal kişand ser 4’ê Nîsanê roja rojbûna Rêberê PKK’ê Abdullah Ocalan û diyar kir ku 4’ê Nîsanê ne tenê rojbûna kurdan di heman demê de rojbûna hemû gelên Rojhilata Navîn e.&nbsp;

	&nbsp;

	Piştî axaftinan kesên di eywanê de bi hev re durişmên mîna “Rojbunate piroz be ey serok Apo”, “Jin jiyan azadî”, “Bijî berxwedana zindana” û “Bê serok jiyan nabe” berz kirin.&nbsp;

	&nbsp;

	Şahî bi girtina govendê bi dawî bû.&nbsp;

	&nbsp;