
Dadgehê 6 sal û 3 meh ceza li Turkoglû birî  

2021-04-07 12:43:18


	&nbsp;

	AMED - Dadgehê bi hêceta endamtiya KJA û KURDÎ-DER'ê yên hatin girtin 6 sal û 3 meh ceza li endama Meclîsa HDP’ê Halîde Turkoglû birî.&nbsp;

	&nbsp;

	Danişîna doza endama Meclîsa Partiya Demokratîk a Gelan (HDP) Halîde Turkoglû ya bi îdiaya “endamtiya rêxistinê” dihat darizandin li 9’emîn Dadgeha Cezayê Giran a Amedê hat lidarxistin. Di danişînê de Turkoglû û parêzerê wê Mehdî Ozdemîr amade bûn. Dozgerê ku mutaalaya xwe ya di danişîna beriya niha de dubare kir xwest Turkoglû ji endamtiya Konreya Jinên Azad (KJA) û Komeleya Lêkolîn û Pêşvebirina Zimanê Kurdî (KURDÎ-DER) ên bi Biryarnameya di Hikmê Qanûnê de (KHK) hatibûn girtin bê cezakirin.

	&nbsp;

	‘SÛC NÎNE’

	&nbsp;

	Parêzerê Turkoglû, Mehdî Ozdemîr diyar kir ku çalakiyên ku muwekîla wî tevli bûye divê ne di çarçoveya sûc de bê nirxandin û wiha got: “Ne gengaze ku ji endamtiya rêxistinê bê cezakirin.” Ozdemîr da zanîn ku endamtiya komeleyan û çalakiyên muwekîla wê ne sûc in û daxwaza beraetê kir.

	&nbsp;

	Şandeya Dadgehê, piştî navbereke kurt 6 sal û 3 meh cezayê zindanê li Turkoglû birî.&nbsp;

	&nbsp;

	&nbsp;