
Hejmara jinên li Amedê hatin girtin derket 11’an 

2021-04-12 10:12:23


	AMED - Aktîvîsta TJA’yê Zelal Bîlgîn, endamên Meclîsa Şaredariya Bajarê Mezin a Amedê Bahar Karakaş Ûlûg û Rabîa Tekas ên li Amedê hatibûn binçavkirin hatin girtin.

	&nbsp;

	Polîsan li Amedê di serdegirtinên malan ên 5’ê nîsanê de 26 jin binçav kiribûn. Ji van jinan Aktîvîsta Tevgera Jinên Azad (TJA) Zelal Bîlgîn, endamên Meclîsa Şaredariya Bajarê Mezin a Amedê Bahar Karakaş Ûlûg û Rabîa Tekas duh piştî kirariyên îfadeyan ên Miduriyeta Polîsan a Amedê sewqî edliyeyê hatin kirin. Dadgehê Bîlgîn, Ûlûg û Tekas bi îdiaya “endamtiya rêxistinê” girtin û şandin Girtîgeha Jinan a Amedê.&nbsp;

	&nbsp;

	Di çarçoveya lêpirsîna Serdozgeriya Komarê ya Amedê bi rêve dibir de, di 5’ê nîsanê de derbarê 33 jinên nûnerên rêxistinên jinan û partiyên siyasî di nav de biryara binçavkirinê derxistibû û di serdegirtinên malan de 26 jin hatibûn binçavkirin. Ji jinên ku bi awayê komî sewqî dadgehê hatin kirin Hevşaredara Çinarê Necla Tamrîş, Hevseroka DBP’ê ya Amedê Seval Gulmez, Endama Akademiya Jinan a Amedê Fîgen Aras, Endama Lijneya Rêveberiya Navendî (MYK) ya Meclîsên Jinan a Sosyalîst (SKM) Satiye Ok, Leyla Akgul, Ayşen Kanûş, Nûrşen Akbal û Şehrîban Zûgûrlî bi îdiaya “endamtiya rêxistinê” hatibûn girtin û hefsa malê dabûn Dayika Aştiyê Nezahat Teke. Nûçegihana Jinnewsê Berîtan Canozer jî, di nav de 14 jin bi şertê kontrola edlî hatibûn berdan.

	&nbsp;