
Danişîna Hevşaredara Geverê Yaşar hat taloqkirin 

2021-04-12 14:21:22


	&nbsp;

	COLEMÊRG - Danişîna 8’emîn a doza Hevşaredara Geverê Remziye Yaşar ku girtî jê tê darizandin ji bo ku biryar bê dayîn hat taloqkirin.

	&nbsp;

	Danişîna 8’emîn a doza Hevşaredara Geverê Remziye Yaşar ku qeyûm tayînî şûna wê hatibû kirin û di 15’ê cotmeha 2019'an de bi îdiaya “endamtiya rêxistinê” hatibû girtin, li 1’emîn Dadgeha Cezayê Giran a Colemergê hat lidarxistin. Hevşaredar Yaşar, ji Girtîgeha Xarpêtê ya Jinan bi rêya SEGBÎS’ê beşdarî danişînê bû. Parêzerên Yaşar di danişînê de amade bûn.&nbsp;

	&nbsp;

	Yaşar parastina xwe kir û destnîşan kir ku ew îdiayên derbarê xwe de qebûl nake. Parêzeran jî xwest ku muwekîla wan bê berdan. Dozgeriyê di mutalya xwe de xwest Yaşar bê cezakirin.&nbsp;

	&nbsp;

	Dadgehê, biryara berdewamkirina girtina Yaşarê da û ji bo ku biryar bê dayîn danişîn taloqî 7’ê hezîranê kir.&nbsp;

	&nbsp;