
Parêzerên Ocalan ji bo hevdîtinê careke din serî li dozgeriyê dan 

2021-04-13 11:31:38


	&nbsp;

	STENBOL - Parêzerên Rêberê PKK’ê Abdullah Ocalan, ji bo ku bi muwekîlên xwe re hevdîtin bikin careke din serî li Serdozgeriya Komarê ya Bûrsayê dan.&nbsp;

	&nbsp;

	Ji parêzerên Rêberê PKK’ê Abdullah Ocalan, Mazlûm Dînç, Îbrahîm Bîlmez, Newroz Ûysal û Serbay Koklu ji bo bi miwekîlên xwe re hevdîtinê bikin careke din serî li serdozgeriya Komarê ya Bûrsayê dan.&nbsp;

	&nbsp;

	Serdozgeriya Komarê ji ber “Nexşerêya” Ocalan di 23’ê îlona 2020’an de cezayê ji bo 6 mehan ê qedexeya hevdîtinê sepandibû. Ev qedexeya hevdîtinê di 23’yê adarê de qediya lê hêj heta niha ne erênî û ne jî neyînî bersiva parêzeran nehatiye dayîn.&nbsp;

	&nbsp;

	Ji parêzerên Ocalan, Newroz Ûysal û Rêzan Sarica piştî 8 salan di 2-22’yê gulana 2019’an, 12-18’ê hezîrana 2019’an û 7’ê tebaxa 2019’an de li gel miwekîlê xwe hevdîtin pêk anîbûn.&nbsp;

	&nbsp;

	HEVDÎTIN DI NÎVÎ DE QÛT BÛ

	&nbsp;

	Ocalan ku 22 sal in li Girtîgeha Îmraliyê ya Ewlehiya Bilind a Tîpa F di bin tecrîdeke girankirî de girtî ye cara ewil di 27’ê Nîsana 2020’an bi telefonê bi birayê xwe Mehmet Ocalan re axivîbû.

	&nbsp;

	Herî dawî ji ber îdiayên li ser hesabên medya civakî yên derbarê Ocalan de fikarên raya giştî mezin bûbûn û di 25’ê Adarê de birayê Ocalan Mehmet Ocalan pê re bi telefonê axivîbû. Lê Mehmet Ocalan ragihandibû ku hevdîtina telefonê di nivî de hatiye birîn.

	&nbsp;

	&nbsp;