
Hêceta girtina ji ‘endamtiya rêxistinê’: Xwediyê firin û çêlekan e

2021-04-14 12:05:33


	AMED – Îbrahîm Halîl Ercan ê li Bismilê bi îşkencekirinê hat binçavkirin bi hêceta ku çêlekên wî hene û şirîkê firinekê ye “li dijî herikîna asayî ya jiyanê ye” hat dîtin û bi îdiaya “endamtiya rêxistinê” hat girtin.&nbsp;

	&nbsp;

	Di 6’ê nîsanê de leşker û tîmên taybet li taxên Dîcle, Heciya Kurda û Dûmlûpinar ên girêdayî navçeya Bismila Amedê ve girtibûn. Di serdegirtinên malan de Îbrahîm Halîl Ercan (30) bi lêdan û îşkencekirinê hatibû binçavkirin. Deriyê mala wî hatibû şikandin û lêgerîn pêk hatibû. Her wiha li hewş û axûrên wî jî lêgerîna bi kolandina kelepçeyê pêk hatibû. Di serdegirtinê de tîmên taybet heqaret li Ercan kiribûn.&nbsp;

	&nbsp;

	KÎSIK XISTINE SERÊ WÎ&nbsp;

	&nbsp;

	Tîmên taybet çavê wî girê didin, lê didin û kîsik dixin serê wî û gefên kuştinê lê hatibûn xwarinê. Erdan ê hatibû binçavkirin biribûn Miduriyeta Polîsan a Bismilê. Di binçavan de wêneyê Ercan ku hatibûn girtin xuya dikir ku di rûyê wî û serî wî de şopên îşkenceyê hebûn.&nbsp;

	&nbsp;

	XWEZÛRÊ WÎ GILÎ KIRIYE&nbsp;

	&nbsp;

	Ervan duh ji Miduriyeta Polîsan sewqî Dadgeha Bismilê hat kirin. Di girteka îfadeyên dozgeriyê de derket holê ku xwezûrê Ercan giliyê wî kiriye û di gilîkirinê de îdia kiriye ku wê zavayê wî biçe tevlî PKK’ê bibe.&nbsp;

	&nbsp;

	GILÎKIRINA BÊBINÎ&nbsp;

	&nbsp;

	Ercan di îfadeyên xwe de îdiayên li ser xwe red kir û diyar kir ku gilîkirina hatiye kirin bêbinî ye.&nbsp;

	&nbsp;

	LÊGERÎN LI DIJÎ YASAYÊ YE&nbsp;

	&nbsp;

	Parêzerê Ercan, Muslum Dalar jî parastina miwekîlê xwe kir û lêgerîna li malê û li hewşê û axûrê hatiye kirin li dijî yasayan e û li dijî îdiayên li ser miwekîlê xwe derket û xwest were berdan.&nbsp;

	&nbsp;

	EV JÎ QEWIMÎ!

	&nbsp;

	Dozger îdia kir ku sîleha çawişê pispor Huseyîn Sari yê di operasyona Garê de hatiye kuştin li mala Ercan hatiye dîtin. Dozger, 40 çêlekên Erdan ku hene û şirîkatiya wî ya firinekê “li dijî herikîna asayî ya jiyanê ye” dît û xwest were girtin.&nbsp;

	&nbsp;

	Dadgeha Cezayê Sulhê ya Bismilê jî bi îdiaya “endamtiya rêxistinê” Erdan da girtinê û şand girtîgehê.&nbsp;

	&nbsp;

	&nbsp;