
Di doza Surmî Înce de daxwaza ‘reda dadgerî’

2021-04-14 12:09:50


	&nbsp;

	COLEMÊRG - 52 parêzeran derbarê şandeya dadgehê ya ku di doza têkildarî Surmî Înce ya li Geverê de daxwazên rapora pispor û keşfa li cihê bûyerê red kirin de serlêdana “reda dadgerî” kirin.

	&nbsp;

	Di 18'ê tîrmeha 2016'an de li bajaroka Xirvatê ya Gevera Colemêrgê, dema Surmî Înce xwarina zarokên xwe yên giya didûrin dibir, eskeran ew gulebaran kiribû û kuştibû. Danişîna 5’emîn a doza derbarê kuştina Înce de ku hatiye vekirin û çawîşê pispor Alî Dalgiran bi sûcdariya “kuştina bi qestî” tê darizandin di 6’ê nîsanê de li Dadgeha Cezayê Giran a Geverê hatibû lidarxistin. Dadgehê girtina bersûc Dalgiran ê beşdarî danişînê nebûbû red kiribû.&nbsp;

	&nbsp;

	JI 52 PARÊZERAN SERLÊDAN

	&nbsp;

	Parêzerên malbata Înce jî di nav de 52 parêzeran li ser vê yekê derbarê şandeya dadgehê de li Dadgeha Cezayê Giran a Geverê serlêdana “reda dadgerî” kirin. Di serlêdanê de hat diyarkirin ku şandeya dadgehê nikare “darizandineke serbixwe û bêalî bike." &nbsp;Dîsa di serlêdanê de hat diyarkirin ku îfadeyên bersûc Dalgiran ji hev negirtine û ji ber vê yekê biryara derbarê wî de ya negirtina wî bêalîbûna dadgehê reş dike. Parêzeran di îtîrazê de destnîşan kirin ku redkirina daxwaza keşfa li cihê bûyerê "li dijî hiqûq û rêbazê ye."&nbsp;

	&nbsp;

	&nbsp;