
Salih Muslim: Êrişên li Qamişloyê lîstokên Rûsya û Şamê ne 

2021-04-21 12:57:28


	&nbsp;

	NAVENDA NÛÇEYAN - Endamê Konseya Hevserokatiya PYD'ê Salih Muslim, diyar kir ku êrişên hêzên girêdayî hikumeta Şamê yên li Qamişloyê, encama lîstokên Rûsyayê û hikumeta Şamê ne û got: "Bi van êrişan dixwazin ku beriya hilbijartinan dengên xwe zêde bikin."&nbsp;

	&nbsp;

	Li bajarê Qamişlo yê Bakur û Rojhilatê Sûriyeyê, duh di saetên şevê de, di navbera hêzên Difa El Wetenî ya girêdayî rejîma Şamê û Hêzên Hewlekariya Hûndirîn de şer derket. Di şer de endamekê Hêzên Hewlekariya Hûndirîn jiyana xwe ji dest da û cih bi cih şer dewam dike. Endamê Konseya Hevserokatiya Partiya Yekitiya Demokratîk (PYD) Salîh Muslim, darbarê mijarê de ji Ajansa Nûçeyan a Hawar (ANHA) re axivî û nirxandinên girîng ji bo êrişa Difa El Wetenî kir. Muslim, diyar kir ku ev êriş bi Rûsyayê ve girêdayî ye.

	&nbsp;

	NE ÊRIŞA YEKEMÎNE&nbsp;

	&nbsp;

	Muslim, da zanîn ku armanca van êrişan xirabkirina aramiyê ye û wiha axivî: "Bêguman ev êrişên wan çi ji aliyê Rûsan ve bin, çi jî ji aliyê hikumeta Şamê ve, ne cara yekem e û nabe ya dawiyê jî. Bi van tevliheviyan dixwazin di nava gel de bêbaweriyê çêkin ku gel çavtirsandî bikin û ji aliyekî de bibêjin em hene. Êdî tê zanîn ku ew tevliheviyê derdixin, paşê jî Rûsya dikeve navberê ku ev yek bi zanebûn tên kirin û tiştekî bêexlaqî ye.”

	&nbsp;

	LISTIKA HEVŞAR A RÛSYA Û ŞAMÊ YE

	&nbsp;

	Muslim, dest nîşan kir ku hikumeta Şamê hewl dide bi van êrişan dengê xwe zêde bike û wiha pê de çû: "Nêzbûna hilbijartinê ya hikumeta Şamê jî esasê van tevliheviyan e. Ji bo ku bi wan ve bên girêdan û herin ser sindoqan û dengên xwe zêde bikin. Bi zextan, hesabên hilbijartinan dikin. Bi vê yekê dixwazin propagandaya xwe bikin û bibêjin em bi hêz in. Ev tiştên vala ne. Ev lîstokên hikumeta Şamê û Rûsyayê ne. Rûsya heman tişt li Eyn Îsa û Şehbayê jî kirin. Bi vekişandinê re xwestin tawîzan bigirin. Lê dîsa vegeriyan. Bi van nêzîkatiyan bawerî ne bi Rûsyayê ne jî bi hikumeta Şamê çêdibe û her ku diçe di nav gel de jî namîne. Ev nayê wê wateya ku hêzên me lawaz in."

	&nbsp;

	GEL HIŞYAR KIR

	&nbsp;

	Salih Muslim, bi bîr xist ku ev êrişî tu carî xizmeta gelê herêmê nakin û gel wiha hişyar kir: "Têkiliyên hikumeta Şamê bi dewleta Tirk re jixwe li ser esasê têkbirina aramiyê herêmê hene. Her du jî dixwazin bêbawerî ligel Rêveberiya Xweser çêbe û tevliheviyan çêkin. Ev nakevin xizmeta aramiyê. Gelê me divê li dijî van planan hişyar be."

	&nbsp;