
Prz. Yeter: Cihê tecrîdê di hiqûqê de tuneye

2021-04-22 09:01:51


	WAN - Ji parêzerên OHD’ê Ekîn Yeter, diyar kir ku di hiqûqa navneteweyî de, tecrîd weke îşkenceyê tê pênaskirin û got: “Divê tecrîda li Îmraliyê ya li tevahiya civakê belav bûye û cihê wê di hiqûqê de tuneye, bi dawî bibe.”&nbsp;

	Çalakiya greva birçîbûnê ya di 27’ê Mijdara 2020’an de li dijî tecrîda li ser Rêberê PKK’ê Abdullah Ocalan û binpêkirinên mafan li girtîgehan dest pê kir, di roja 147’emîn de dewam dike. Ji endamên Komeleya Hiqûqnasên ji bo Azadiyê (OHD) Parêzer Ekîn Yeter a cihê xwe di Koordînasyona Şopandina Grevên Birçîbûnê ya ji bo şopandina çalakiyê hatiye avakirin de cih digire, diyar kir ku daxwazên girtiyan meşrû ne.&nbsp;

	&nbsp;

	BELAVÎ CIVAKÊ BÛYE

	&nbsp;

	Yeter, bi bîr xist ku ji roja Ocalan hatiye girtin û vir ve dibin tecrîdek giran de ye û wiha axivî: “Di sala 2011’an de tecrîd hat kûrkirin. Ev tecrîda girankirî, di saya çalakiya greva birçîbûnê ya di navbera salên 2018 û 2019’an de, kêm jî be hat şikandin. Lê ev 2 salin, em bi rejîmeke tecrîdê re rû bi rû ne. Tecrîd li hemû girtîgehan, malbatên girtiyan û tevahiya civakê belav bûye. Di pêvajoya pandemiyê de, qanûneke înfazê hat derxistin. Lê gelek pêvanên wê hatin paşguhkirin. Girtiyên siyasî ji derveyî vê qanûnê hatin hiştin. Serbest berdana bi kontrol a gelek girtiyan asteng kirin. Daxwaza rakirina tecrîdê, di heman demê de bi vê girêdayî ye. Bi vê qanûnê êrişî hemû mafên girtiyan siyasî kirin.”&nbsp;

	&nbsp;

	DAXWAZA MEŞRÛ Û HIQÛQÎN E

	&nbsp;

	Yeter, diyar kir ku di pêvajoya pandemiyê de, li girtîgehan binpêkirinên mafan zêde bûn û wiha pê de çû: “Kargo û pirtûkên girtiyan nedan wan, qawîş tije bûn, amûrên paqijiyê endan, hevdîtinên malbatan û mafên civakî asteng kirin, girtiyên nexweş di hucreyên karantînayê de girtin û gelek binpêkirinên mafan ên mîna van rû dan. Ev jî bû sedem ku tora tecrîdê berfirehtir bibe. Ji ber vê yekê hemû daxwazên girtiyan meşrû hiqûqîne.”&nbsp;

	&nbsp;

	‘TECRÎD ÎŞKENCEYE’

	&nbsp;

	Yeter, anî ziman ku di hiqûqa navneteweyî û netewî de, tecrîd weke binpêkirina mafên mirovan tê dîtin û wiha bilêv kir: “Dadageha Mafê Mirovan a Ewropayê (DMME) vê rewşê weke ‘îşkence û mûameleya xirab’ dinirxîn e. Tecrîd kûrkirina pêkanînên dij miroviye. Di hiqûqê de cihê tecrîdê tuneye. Ji ber vê her roja diçe çalakiya greva birçîbûnê belavtir dibe. Grevên dûrveger ên 5 rojan, ketin tûra 2’yemîn. Di pêvajoya pandemiyê de, grevên birçîbûnê rîskek mezin e. Di vê pêvajoya bi rîsk de, divê Wezareta Dadê, Wezareta Karên Hûndir û rayedarên dewletê, daxwazên girtiyan bixin rojeva xwe. Lazime ku rejîma tecrîdê ya li Îmraliyê bi dawî bibe û qaûnên hatine hişk kirin bên nerimkirin. Divê em di ferqa vê tecrîdê dibin. Lazime ku raya giştî û rêxistinên civaka sivîl, xwedî li van daxwazên mafdar ên girtiyan derkevin.”

	&nbsp;