
Biryara qeyûm ji dadgehê zivirî 

2021-04-27 09:05:49


	MÊRDÎN - Gulîzar Îpek bi hêceta tevli protestoyên danîna qeyûm bûbû li ser fermana qeyûm ji karmendiyê hatibû avêtin. Dadgehê biryar da ku Îpek &nbsp;li karê xwe bê vegerandin.&nbsp;

	Wezareta Karên Navxweyî di 19’ê Tebaxa 2019’an de qeyûm danîbû ser Şaredariya Bajarê Mezin a Mêrdînê û piştî vê biryarê prostestoyan dest pê kiribû. Gulîzar Îpek a karmenda şaredariyê di serdema HDP’ê de anîbûn ser wezîfeya Serokatiya Xizmetên Jinan û Zarokan. Îpek di heman demê de endama Sendîkaya Kedkarên Xizmeta Hemû Şaredariyê û Rêveberiya Xwecihî (Tum Bel-Sen) ye. Îpek beşdarî xwepêşandan ango protestoyên danîna qeyûm bûbû. Li ser vê yekê Gulîzar Îpek li ser fermana qeyûm ji bi hêceta “endatiya rêxistinê” ji karmendiyê hatibû avêtin.&nbsp;

	&nbsp;

	Îpek piştî ji wezîfeya xwe hat dûrkirin serî li Dadgeha Îdareyê ya 2’yemîn a Mêrdînê xistibû û doza biryara derbarê wê de were betalkirin vekiribû. Doza Îpek bi encam bû. Dadgehê derbarê Îpek de biryara li karê xwe vegere da. Dadgehê biryarek hêjayî emsale da û diyar kiriye ku mafê protestoyê nabe bibe “endamtiya rêxistinê” û bi vî awayî doza serlêdan û daxwaza Îpek mafdar dîtiye.&nbsp;

	&nbsp;

	MA / Ahmet Kanbal

	&nbsp;