
Çîçek ê ji malbata wî 80 kes hatine kuştin: Bila rastiya komkujiyê derxin holê  

2021-05-06 10:13:31


	&nbsp;

	DERSIM - Hidir Çelîk ê di Komkujiya Dersimê de ji malbata wî 80 kes hatin qetilkirin diyar kir ku divê rastiyên dîrokî hemû derkevin holê û ew dixwazin komkujî were qebûlkirin.&nbsp;

	&nbsp;

	Yek ji komkujiyên dîroka komar Tirkiyê ya herî mezin Komkujiya Dersimê ya di navbera sala 1937-1938’an de bû. Li gorî daneyên fermî yê yên dewletê di sala 1937’an de hezar û 737 kes û di sala 1938’an de jî 6 hezar û 868 kes di komkujiyê de jiyana xwe ji dest dane.&nbsp;

	&nbsp;

	Li gorî agahiyên nefermî jî tê gotin herî kêm 70 hezar kes însan hatine qetilkirin û bi deh hezaran kes jî hatine sirgûnkirin.&nbsp;

	&nbsp;

	Yên ku xwestin xwe ji komkujiyê rizgar bikin û li şikeftan sitirîn jî bi gazên kîmyewî hatin kuştin. Zarokên keçik ji malbatên xwe bi darê zorê hatin veqetandin. Yek ji komkujiyên herî dijwar û hovane tê nasîn û di nav rûpelên dîrokê de cihê xwe girt. &nbsp;

	&nbsp;

	DU KES RIZGAR DIBIN&nbsp;

	&nbsp;

	Tevî ku 84 sal di ser komkujiyê de derbas bûye jî hêj birînên Dersimê nehatine kewandin. Hidir Çîçek jî yek ji wan kesan e ku di dema komkujiyê de 80 kes ji malbata wî hatine qetilkirin. Çîçek ê li mezreya Gevrek a li herêma Kûtûdereya Dersimê dijî got ji komkujiyê tenê bavê wî Kamer Çîçek û xizmek wî filitîne.&nbsp;

	&nbsp;

	LI BER SALIXDANINÊN BAVÊ XWE MEZIN BÛYE

	&nbsp;

	Çîçek da zanîn ku ew li ber salixdanên bavê xwe yên derbarê komkujiyê de mezin bûye û lîderên eşîretên nêzî dewletê di wê serdemê de extiyar, jin û zarokan kom kirine û radestî leşkeran kirine. Çîçek anî ziman ku ev kesên hatine komkirin çend roj şûn de li herêma Pax û Marçikê bi komî hatine kuştin û xelkê mayî jî xwe li çiyayan dikişînin û bavê wî û xizmek wî piştî bi salan li şikeftan dimînin bi yasaya efûyê re sax dimînin.&nbsp;

	&nbsp;

	ÎNSAN KOM BI KOM DIHATIN ŞEWITANDIN&nbsp;

	&nbsp;

	Çîçek behsa serpêhatiyên ku bavê wî jê re vegotiye kir û got bavê wî jê re gotiye li şikefta Laçê yên hatine qetilkirin gazê li ser wan reşandine û kom bi kom şewitandine û ew cenaze nayê zanîn aydê kî ne. Çîçek got dema bavê wî her kêliya qala serpêhatiyên komkujiyê dikir digiriya û hovîtiyek bi serê xelkê Dersimê de anîne.&nbsp;

	&nbsp;

	SERPÊHATIYAN TOMAR KIRIYE&nbsp;

	&nbsp;

	Çîçek da zanîn ku wî tenê ne ji bavê xwe guhdariya serpêhatiyên komkujiyê kiriye û heta îro belkî herî kêm bi sed kesên şahidiya komkujiyê kirine re axivî ye, tomar kiriye û di nav van kesan de yên wê demê milîsiyê kirine, teslîm bûne, li ber xwe dane û birîndar bûne hebûn.&nbsp;

	&nbsp;

	&nbsp;

	‘BILA RASTÎ DERKEVIN HOLÊ’&nbsp;

	&nbsp;

	Çîçek destnîşan kir ku ew ji tiştên li Dersimê qewimî ne re wek komkujiyê pênase dikin û zar û zêç tev hatine tunekirin û heta ew hebin wê vê yekê wek komkujiyê jî binirxînin. Çîçek anî ziman ku li tu devera dinyayê hovîtiyek wiha neqewimiye û got: “Em dixwazin destpêka komkujiyê were deşîfrekirin. Em ne li pey tohildanê ne. Rastiyên dîrokî hemû divê derkevin holê. Em dixwazin dewlet bi komkujiyê re rûbirû bimîne û vê komkujiyê qebûl bike.”&nbsp;

	&nbsp;