
Banga greva birçîbûnê li Wezareta Dadê hat kirin: Dawî li tecrîdê bînin  

2021-05-11 15:05:50


	&nbsp;

	STENBOL - Şandeya Şopandina Greva Birçîbûnê rapora têkildarî girtîgehên li Herêma Marmarayê eşkere kir û ji bo bidawîkirina binpêkirinên mafan bang li Wezareta Dadê û raya giştî kir.&nbsp;

	&nbsp;

	Girtî bi daxwazên rakirina tecrîda li ser Rêberê PKK’ê Abdullah Ocalan û bidawîkirina binpêkirinên mafan ên li girtîgehan 166 roj in di greva birçîbûnê de ne. Şandeya Şopandina Greva Birçîbûnê ya ji Komeleya Hiqûqnasên Ji Bo Azadiyê (OHD) a Şaxa Stenbolê, Komeleya Mafê Mirovan (ÎHD) a Şaxa Stenbolê, Komeleya Hiqûqnasên Hemdem (ÇHD) a Şaxa Stenbolê, Weqfa Mafê Mirovan a Tirkiyê (TÎHV), Komeleya Piştevaniya bi Malbatên Girtî û Hikumxwaran re yaa Marmarayê (MA-TUHAYDER) û Sendîkaya Kedkarên Xizmeta Tenduristiyê û Civakî (SES) a Şaxên Stenbolê pêk tê raporek têkildarî girtîgehên li Herêma Marmarayê amade kiribûn bi raya giştî re parve kirin. Rapor ji serdana parêzeran a di navbera 4-10’ê gulanê de çûne girtîgehan pêk tê. Ji bo eşkerekirina raporê li avahiya Şaxa OHD’ê ya li Navçeya Beyoglûya Stenbolê civîn hat lidarxistin.&nbsp;

	&nbsp;

	Li cihê civînê pankarta “Tecrîd sûcê mirovahiyê ye” hat daliqandin. Seroka Şaxa ÇHD’ê ya Stenbolê Çîgdem Akbûlût xwend.&nbsp;

	&nbsp;

	LI 12 GIRTÎGEHAN HEVDÎTIN&nbsp;

	&nbsp;

	Di raporê de hat gotin 26 parêzeran li 12 girtîgehên li Herêma Marmarayê serdana 50 girtiyan kirine û derbarê grevên birçîbûnê û binpêkirinên mafan ên li girtîgehan guhdariya girtiyan kirine. Di raporê de hat destnîşankirin kul i 12 girtîgehan 612 girtî ketine greva birçîbûnê ya bêdem û bidorveger û her koma ji 2-3 kesan pêk hatiye ji 5 rojan carek ketine greve.&nbsp;

	&nbsp;

	BINPÊKIRINÊN MAFAN&nbsp;

	&nbsp;

	Di raporê de hat gotin girtiyên ketine greve derbarê wan de lêpirsîna dîsîplînê hatiyedestpêkirin, cezayê dîsîplînê li wan hatiye birîn û her çiqas îtîraz kiribin jî dadgeha girtîgehê îtîrazan red kiriye. Di raporê de hat diyarkirin ku li hin girtîgehan vîtamîna B1 nadin girtiyan û xwarina diyetê nadin wan girtiyên ku pêdiviya wan pê heye. Di raporê de hat diyarkirin ku girtiyan nameyên ji Komîsyona Mafê Mirovan a Meclîsê, HDP, CHP, ÎHD, CÎSST û CPT’iyê re şandine ji aliyê îdareya girtîgehê ve hatine desteserkirin.&nbsp;

	&nbsp;

	DAXWAZA WAN EW E TECRÎD WERE RAKIRIN&nbsp;

	&nbsp;

	Di raporê de hat destnîşankirin ku daxwazên girtiyan pir eşkere ne û dixwazin di çarçoveya mafê bingehîn û azadiyan de tecrîda li ser Abdullah Ocalan were rakirin, hevdîtin pêk werin û li girtîgehan binpêkirinên mafan bi dawî bibin.&nbsp;

	&nbsp;

	BANG LI CPT Û WEZARETA DADÊ HAT KIRIN&nbsp;

	&nbsp;

	Di raporê de hat gotin ku pêwîste Komîteya Pêşîlêgirtina Îşkenceyê (CPT) ya Konseya Ewropayê di serî de biçe Girtîgeha Îmraliyê û tevahiya girtîgehan û pirsgirêkan di cih de tespît bike û di pergala girtîgehan hemû de revîzeyan bike. Di raporê de ji bo hin bêtir rewşa greva birçîbûnê ber bi xetereyê û rewşek giran pêk neyê bang li Wezareta Dadê û raya giştî hat kirin û hat xwestin ku Wezareta Dadê demildest bikeve nava tevgerê û çareseriyê pêk bîne.&nbsp;

	&nbsp;

	PIRSGIRÊKÊN GIRAN ÊN TENDURISTIYÊ HENE&nbsp;

	&nbsp;

	Endamê OHD’ê Baran Çelîk jî destnîşan kir ku girtî bi pirsgirêkên giran ên tenduristiyê re rûbirû mane û daxwaza wan tenê ew e ku hiqûq were sepandin û dawî li tecrîdê were anîn.&nbsp;

	&nbsp;

	‘BILA DEWLET BERPIRSIYARIYA XWE BÎNE CIHD’&nbsp;

	&nbsp;

	Levent Pîşkîn jî li ser navê TÎHV’ê axivî û anî ziman ku pêwîste dewlet ji bo girtiyan berpirsiyariya xwe pêk bîne.&nbsp;

	&nbsp;

	‘TECRÎD SÛCÊM MIROVAHIYÊ YE’&nbsp;

	&nbsp;

	Endamê ÎHD’ê Mehmet Acettîn jî destnîşan kir ku tecrîd sûcê mirovahiyê ye û divê dawî li tecrîdê were anîn û daxwazên girtiyan bi cih were anîn.&nbsp;

	&nbsp;