
Polisan rêveberê HDP’a ji ber daleqandina pankarta greva birçîbûnê binçav kirin 

2021-05-15 16:24:04


	&nbsp;

	STENBOL – Polisan, pankartê ku Rêveberiya HDP’ê ya Navçeya Esenyûrtê ji bo balkişandina ser tecrîdê daleqanibû rakirin û rêveberekî navçeyê binçav kirin. &nbsp;

	&nbsp;

	Rêveberiya HDP’ê ya Navçeya Esenyûrtê, duh bi armanca ku bale bikişîne ser çalakiya greva birçîbûnê ya ji bo bidawîkirina tecrîda li ser Rêberê PKK’ê Abdullah Ocalan û binpekirinên mafan ên li girtîgehan hatiye destpêkirin, pankarta “Em li dijî şer aştiyê û li dijî tecrîdê jî azadiyê diparêzin, bibe dengê zindanan” bi avahiya xwe daleqand. Polisan bi biryara dozgeriye pankartê rakirin Rêveberê Navçeyê Fatîh Ergun binçav kirin.&nbsp;

	&nbsp;

	Li aliyê din polisan Hevseroka HDP’a Esenyûrtê Dîlan Kiliç, rêveberên navçeyê Çayan Yilmaz û Kiyas Kûrt jî ji bo îfadegirtinê vexwend Miduriyeta Polisan a Esenyûrtê. Hat diyarkirin ku îfadegirtina rêveberên HDP’î ya li miduriyeta polisan didome.&nbsp;

	&nbsp;