
Ji HPG’ê daxuyaniya ji bo Nuredîn Sofî  

2021-05-18 16:14:34


	&nbsp;

	NAVENDA NÛÇEYAN - HPG'ê têkildarî îdiaya Erdogan a derbarê Nuredîn Sofî bersiv da û got: “'Ti rastiya wan nûçeyan nîne ku van demên dawî têkilî hêzên me û qedemeyên fermandariya me têne dayîn.'”

	&nbsp;

	Serokkomarê AKP’yî Tayyîp Erdogan di daxuyaniya xwe ya duh de îdia kiribû ku “Berpirsiyarê Giştî yê PKK’ê yê Sûriyê Nuredîn Sofî, di operasyonek bakurê Iraqê de hatiye bêbandorkirin.”&nbsp;

	&nbsp;

	Navenda Ragihandin û Çapemeniyê ya Hêzên Parastina Gel (HPG) derbarê îdiaya Erdogan de daxuyanî da û îdiaya wî derewand. Daxuyaniya HPG’ê ya di Ajansa Nûçeyan a Firatê de hat weşandin wiha ye: "Dewleta Tirk a faşîst qirker mêtinger ku li pêşberî Gerîlayên Azadiyê yên Kurdistanê nikare ti serketinê bi dest bixe, bi rê û rêbazên şerê taybet senaryoyan li gorî xwe çêdike û hewl dide serketinên sexte ji xwe re çêbike. Nûçeyên ku dema dawî têkildarî hêzên me û fermandariya me de hatine weşandin rast nînin. Bila gelê me guh nede van nûçeyan ku di çarçoveya şerê taybet de hatine amadekirin."&nbsp;

	&nbsp;