
Di bûyera lêdanê de derbarê polîs û notirvan û bijîşk de lêpirsîn 

2021-05-20 09:02:39


	&nbsp;

	ÊLIH - Polîs û notirvanan bi hinceta ku qedexeya derketina derve binpê kiriye li V.S.'yê 15 salî xistibûn. Bijîşk jî rapora "tiştekî wî tune ye" dabû V.S. Derbarê polîs û notirvanan û bijîşk de lêpirsîn hat destpêkirin.&nbsp;

	&nbsp;

	Li Parka Salîh Ozdemîr a Taxa Cûdî ya Êlihê, di 13'ê Gulanê danê êvarî de polîs û notirvanan bi hinceta ku qedexeya derketina derve binpê kiriye li V.S.'yê 15 salî xistibûn. Bijîşk jî rapora "tiştekî wî tune ye" dabû V.S. Derbarê polîs û notirvanan û bijîşk de lêpirsîn hat destpêkirin.&nbsp;

	&nbsp;

	Baroya Êlihê li Serdozgeriya Komarê ya Êlihê giliyê polîs û notirvanan û bijîşk kiribûn. Dozgeriyê derbarê notirvan û polîsên li V.S. xistibûn û bijîşkê ku rapora "tiştekî wî tune ye" dabû de lêpirsîn da destpêkirin.

	&nbsp;

	ÇI QEWIMÎBÛ?

	&nbsp;

	Li Êlihê di 13'ê Gulanê de V.S.'yê 15 salî ji bo ku nan bikire derketibû derve. Polîs û notirvanan jî bi hinceta ku qedexeya derketina derve binpê kiriye lê xistibûn. Piştî lêdanê V.S. hatibû binçavkirin û bi hinceta "li ber karmendan rabûye" derbarê wî de zabitname hatibû amadekirin. Piştî binçavkirinê V.S. biribûn Nexweşxaneya Perwerdehî û Lêkolînê ya Êlihê. Li nexweşxaneyê bijîşk R.A. rapora "tiştekî wî tune ye" dabû wî. Piştî V.S. hatibû berdan malbat wî ew biribû nexweşxaneyeke taybet û li nexweşxaneyê bijîşk rapor dabûyê û di raporê de hatibû diyarkirin eniya wî çiriyaye, derdora pozê wî û stuyê wî sor bûne, serê wî werimiye û çoka wî ya rastê tahl bûye.&nbsp;