
Li çend bajaran bi ser gelek malan de girtin: 49 binçav kirin

2021-05-24 11:45:18


	&nbsp;

	NAVENDA NÛÇEYAN - Polîsan li çend bajaran bi ser gelek malan de girtin û rêveberên DBP’ê û HDP’ê di nav de, 49 kes binçav kirin.&nbsp;

	&nbsp;

	Polîsan li Edene, Şirnex û Dersîmê bi awayekî hew wext bi ser gelek malan de girtin û rêveberên Partiya Heremên Demokratîk (DBP) û Partiya Demokratîk a Gelan (HDP) jî di nav de 20 kes binçav kirin. Hat hînbûn ku kesên bi îdiaya “endamtiya rêxistinê” hatine binçavkirin li Miduriyeta Polîsan a Edeneyê tên ragirtin.

	&nbsp;

	DI SERDEGIRTINÊ DE LÊDAN

	&nbsp;

	Navên hin kesên hatine binçavkirin wiha ne: Rêveberên HDP’ê yên Edeneyê Berîvan Gokalp û Mehmet Yaşik, Rêveberê HDP’ê yê navçeya Seyhanê Dîndar Aksû, Rêveberê TÛAYDER’a Çûkûrovayê Mehmet Tûtûş, Hevseroka Komeleya Piştevanî û Alîkariyê ya Bi Malbatên Xizmên Xwe Windakirine ya Akdenîzê (AYKAY-DER) Şukran Efeturk, Cîgergun Guven, Hasan Kocaman û Halîl Kocaman.

	&nbsp;

	Hat diyarkirin ku di serdegirtina malê de, polîsan Cîgergun Guven li erdê dirêj kirin û lêdan e.&nbsp;

	&nbsp;

	LÊPIRSÎNA KU NAVENDA WÊ AMED

	&nbsp;

	Di çarçoveya lêpirsîneke ku Serdozgeriya Komarê ya Amedê bi rê ve dibir de, derbarê 34 kesan de biryara binçavkirinê hat derxistin. Di serdegirtinên malan ên navenda Amed û navçeyên wê yên Pasûr, Farqîn, Stenbol, Êlih û Antalyayê de herî kêm 29 kes hatin binçavkirin.&nbsp;

	&nbsp;

	Navên hin kesên ku hatin binçavkirin wiha ne: Hevşaredarê Êlihê yê berê Sabrî Ozdemîr, Hevserokê HDP’ê yê Amedê yê berê Cabbar Leygara, Wekîlê Hevserokên HDP’ê yê Amedê Îrfan Soner, rêveberên HDP’ê yên Amedê Arîf Bûlût, Newroz Reşîtoglû û Ramazan Kiziltepe, Hevserokê HDP’ê yê Rezanê yê berê Mehmet Atlihan, Endamên Meclîsa Şaredariya Yenîşehîrê yên HDP’ê Mehmet Alaattîn Zûgûrlî û Yûsûf Sokmen, Şahîn Tanriverdî û Kadrî Atli yê 81 salî.

	&nbsp;

	Kesên ku hêceta binçavkirina wan nehat zanîn, li Miduriyeta Polîsan a Amedê tên ragirtin.

	&nbsp;