
Doza rojnamevan Gok hat lidarxistin: Ji bo mutalayê dosye ji dozger re hat şandin 

2021-06-03 13:00:46


	&nbsp;

	AMED - Di danişîna doza rojnamevan Abdurrahman Gok de ji bo mutala were amadekirin dosye ji bo dozgeriyê hat şandin û danişîn hat taloqkirin.&nbsp;

	&nbsp;

	Rojnamevan Abdurrahman Gok di Newroza 2017’an a Amedê de kêliya ku polîs Kemal Kurkut kuşt wêne girtibûn. Ji ber ku Gok van wêneyan girtiye bi îdiaya “endamê rêxistinê ye” û “propaganda rêxistinê kiriye” doz lê hatibû vekirin û heta 20 salan cezayê hefsê jê re tê xwestin. Danişîna duyemîn a dozê li 5’emîn Dadgeha Cezayê Giran a Amedê hat lidarxistin. Gok û parêzerên xwe Resûl Tamûr û Mehmet Emîn Aktar li eywana danişînê amade bûn. Gelek rojnamevanan û Hevseroka Komeleya Rojnamevanan a Dîcle Firatê Dîcle Muftuoglû jî danişîna hevpîşeyên xwe şopandin.&nbsp;

	&nbsp;

	‘BEYANÊN ŞAHIDÊ VEŞARÎ NE RAST IN’&nbsp;

	&nbsp;

	Îdidayên şahidê veşarî bi navê “Sabir” ku li dosyeyê hatiye barkirin ku di îfadeyên xwe de gotiye ku Kemal Kurkut endamê rêxistinê ye û Abdurrahman Gon jî li ser fermana Qendîlê wêne girtiye, ji Gok hatin pirsîn. Gok anî ziman ku ew beyanên şahidê veşarî qebûl nake û rastiya îdiayên wî wek sifrê nîşan da. Gok destnîşan kir ku îdiayên şahidê veşarî ne rast in û wiha got: “Ev îdiayên wî derew in. Ez napejirînim. Şahid dizane ez rojnamevan im û ji fakulteya ragihandinê mezûn bûme. Ev agahî ne veşartî ne. Her kesê ku bixwaze dikare xwe li ser enternetê bigihînê.”&nbsp;

	&nbsp;

	'KEMAL KURKUT RENCÎDE DIKIN’&nbsp;

	&nbsp;

	Gok anî ziman ku şahidê veşarî Kemal Kurkut jî wek “endamê rêxistinê” nîşan daye û ev yek rewşa “ku Kemal Kurkut rencîde dike” nîşan dide û got: “Li gorî îfadeyên şahidê veşarî daye min li ser fermanê wêneyên Kemal Kurkut girtiye. Qey meriv dibêje min û polîsê Kemal kuştiye li hev kiriye daye nîşandan. Tiştên ku şahidê veşarî dibêje ne rast in.”&nbsp;

	&nbsp;

	'EV DOZEK DIJMINATIYÊ YE’&nbsp;

	&nbsp;

	Parêzerê Gok, Mehmet Emîn Aktar jî ew di gelek dozan de bi van bobelatên şahidên veşarî re rûbirû dimînin û heman rewş di dosyeya miwekîlê me de jî heye. Aktar anî ziman ku divê îfadeyên şahidê veşarî esas neyên girtin û miwekîlê wî ji ber pîşeya xwe wêneyê kuştina Kemal Kurkut girtiye û ji vê sedemê tê darizandin û got: “Ev doz doza dijminatiyê ye.”&nbsp;

	&nbsp;

	ÎFADEYÊN ŞAHIDÊ VEŞARÎ BI BELGEYAN DEREWAND&nbsp;

	&nbsp;

	Parêzer Resûl Tamûr jî destnîşan kir ku şahidê veşarî beyanên ku miwekîlê wî Gok di salên 2016-2017’an de li navçeya Sûrê ya Amedê li ser navê rêxistinê xebat birêve birine û di wê dîroka ku şahidê veşarî dibêje miwekîlê wî Abdurrahman xebatên xwe rojnamevaniyê kiriye û ji ber pîşeya xwe li Iraqê bûye û têkildarî vê jî belge pêşkêşî dosyeyê kirine.&nbsp;

	&nbsp;

	Tamûr anî ziman ku şahidê veşarî yê bi navê “Sabir” heman îdiayan derbarê miwekîla wî rojnamevan Semîha Alankûş de jî gotibû û lê doza miwekîla wî ku li Dadgeha Amedê dihat lidarxistin bi beraetê bi encam bû. Tamûr xwest ku îfadeyên şahid esas neyên girtin û biryara beraetê ya Alankûş radestî dadgehê kir.&nbsp;

	&nbsp;

	DÊ MUTALA WERE AMADEKIRIN&nbsp;

	&nbsp;

	Şandeya dadgehê daxwaza dozgeriyê ku ji bo mutala xwe amade bike dosye jê re were şandin qebûl kir û ji bo amadekirina mutalayê danişîn taloqî 30’yê îlonê hat kirin.&nbsp;

	&nbsp;