
Piştî her du xwişkên xwe Mûhammed Ş. jî jiyana xwe ji dest da 

2021-06-08 14:48:24


	&nbsp;

	AMED – Mûhammed Ş. ku bi xwişka xwe Rengîn Ş. re întihar kiribû jiyana xwe ji dest da.

	&nbsp;

	Di 5’ê hezîranê de li gundê Fêra yê navçeya Farqînê ya Amedê Muhammed Ş. (26) û xwişka xwe Rengîn Ş. (22) întihar kiribûn. Tîmên tenduristiyê sewqî cihê bûyerê hatibûn kirin û xwişk û bira rakiribûn Nexweşxaneya Dewletê ya Dr. Yûsûf Azîzoglû û ji wir jî sewqî Nexweşxaneya Fakulteya Zanîngeha Dîcleyê û Nexweşxaneya Lêkolîn û Perwerdeyê ya Gazî Yaşargîlê hatibûn kirin.&nbsp;

	&nbsp;

	Piştî ku Rengîn Ş. (22) duh li Nexweşxaneya Fakulteya Zanîngeha Dîcleyê jiyana xwe ji dest da îro jî Muhammed Ş. (26) li Nexweşxaneya Lêkolîn û Perwerdeyê ya Gazî Yaşargîlê jiyana xwe ji dest da. Malbata Mûhammed cenazeyê kurê xwe wergirt û wê li gundê Fêra veşêre.

	&nbsp;

	Di 21’ê gulanê de xwişka Mûhammed Ş. û Rengîn Ş. M.Ş jî întihar kiribû û piştî ku rakiribûn Nexweşxaneya Dewletê ya Dr. Yûsûf Azîzoglû jiyana xwe ji dest dabû.&nbsp;

	&nbsp;

	Li aliyê din îro li navçeyê dayika 7 zarokan Ayşe T. (40) jî li mala xwe ya li taxa Bahçelîevlerê mirî hatibû dîtin.&nbsp;

	&nbsp;