ÎSÎG: Di 8 salan de herî kêm 513 zarok li ser kar jiyana xwe ji dest dan

2021-06-11 13:39:02


	 

	STENBOL – Li gorî rapora ku ÎSÎG’ê derbarê cînayeta zarokên karker de amade kiriye; di 8 salên dawîn de herî kêm 513 zarok li ser kar jiyana xwe dest dane. 

	 

	Meclisa Ewlehiya Kar û Tenduristiya Karkeran a Stenbolê (ÎSÎG), rapora xwe ya ku derbarê cînayetên zarokên karker de amade kiribû, weşand. Li gorî raporê; di 8 salên dawîn de herî kêm 513 zarok li ser kar jiyana xwe dest dane. Di raporê de hat diyarkirin ku girtina dibistanan bûye sedem ku hejmara zarokên karker zêde bibe û li Tirkiyeyê herî kêm 2 milyona zarokên karker hene. 

	 

	DAXWAZÊN PÊŞÎLÊGIRTINA KARKERIYA ZAROKAN

	 

	Di raporê de ji bo pêşîlêgirtina karkertiya zarokan ev daxwaz hatine kirin:

	 

	“* Divê pergal û polîtîkayên perwerdeyê yên hêza kar a zarok a erzan teşfîq dike û bingeha vê ava dike bên bidawîkirin. 

	 

	* Divê daneyên derbarê keda zarokan de bi awayekî zanistî, ewle û birêkûpêk  bên weşandin. 

	 

	* Divê kes û saziyên ku karkerên zarok bêqeyd didine xebitandin neyên paşguhkirin û cezayên giran li wan bên birîn. 

	 

	* Divê hemû zarok bêpere û bi awayekî baş di kontrola tenduristiyê re bên derbaskirin û şertên wan jiyanî bên başkirin. 

	 

	* Divê karkeriya zarokan bê qedexekirin.”