ROJEVA 17'Ê HEZÎRANA 2021'AN

2021-06-17 09:00:28


	* Li Îranê sibê hilbijartina serokkomartiyê ye. Rojnamevan Peyman Aref, rewşa Îranê nirxand û anî ziman ku dê piraniya gel neçe ser sindoqan. 

	* Li Rihayê polîsan avêtibû ser mala penaberan. Di avêtina ser malê de tecawizî jinekê kiribûn û 2 jin jî taciz kiribûn. Çendî ku DNA li hev derketin û mexdûran îfade da jî, beraet kirin. 

	 

	* Zennûre Yuce behsa keça xwe Sema Yuceyê kir û got: "Niha jî dibêjim xwezî 3 zarokên min ê din jî wekî Semayê hebûna û ji bo azadiya gelan bixebitiyana." 

	 

	* Ercan Altûntaş ku tiştên di rê de hatine serê penaberan xêz dike, got: "Heger li welatekî demokrasî, hiqûq û aborî tune be, her kes penaber e." 

	 

	* Hevseroka Giştî ya DBP'ê Salîha Aydenîz, anî ziman ku di operasyonên eskerî yên li Herêma Kurdistana Federe de, hêzên li herêmê peywira cerdevantiyê dane PDK'ê û ji bo yekîtiya neteweyî bang li hêzên kurdan kir.

	 

	* Çalakiya nobetê ya Malbata Şenyaşar a bi daxwaza "Edaletê" ya li ber Edliyeya Rihayê wê di roja 101'emîn de berdewam bike. 

	 

	* KCD, TJA, DBP û parlamenterên HDP'ê ji bo balê bikişînin ser tecrîdkirina Rêberê PKK'ê Abdullah Ocalan wê li Kuçeya Hunerê ya Amedê daxuyanî bidin çapemeniyê. (16.00)

	 

	* Meclîsa Ciwanan a HDP'ê dê têkildarî endamên xwe yên di binçavan de li ber avahiya HDP'ê ya Stenbolê daxuyanî bide çapemeniyê. (17.00)