
Emîne Şenyaşar Gok’ê AKP’î ku çû serdana dozger şermzar kir 

2021-06-17 13:27:53


	&nbsp;

	RIHA – Emîne Şenyaşar ku nobeta xwe ya “Edaletê” bi Dayikên Aştiyê re didomîne, Parlamenterê AKP’ê Abdulkerîm Gok ku hat serdana Edliyeya Rihayê şermezar kir. &nbsp;

	&nbsp;

	Emîne Şenyaşar û kurê xwe Ferît Şenyaşar ku bi Dayikên Aştiyê yên ji Stenbolê hatine re çalakiya xwe ya nobeta “Edaletê” didomînin, di bin dorpêça polisan de ne.&nbsp;

	&nbsp;

	Di kêliya dorpêça polisan de Parlamenterê AKP’ê yê Rihayê Abdulkerîm Gok ku hat serdana Edliyeya Rihayê û bi Serdozgerê Komarê yê Rihayê Onder Yenîçerî re hevdîtin pêk anîn. Dema ku Gok ji edliyeyê veqetiya Emîne Şenyaşar dorpêça polisan derbas kir û Gok şermezar kir. Şenyaşar hewl da wesayîta Gok rawestîne û bi gotina “Edalet tune ye” bangî wî kir. Polis ketin navbera Şenyaşar û wesayîta Gok û nehişt ku rojnameger dîmen û wêneyan bikişînin.&nbsp;

	&nbsp;

	Ferît Şenyaşar jî mudaxaleya polisan a li dijî dayika xwe şermezar kir û dûrişmeya “Heq hiqûq û edalet” berz kir.&nbsp;

	&nbsp;

	Polisan bi zorê Emîne Şenyaşar û kurê wê ji Gok dûr xistin.&nbsp;

	&nbsp;

	&nbsp;