
Ji ber êrişa li Îzmîrê Doza Kobanê taloqî sibê bû 

2021-06-17 16:04:11


	&nbsp;

	EQNERE – Danişîna îro ya Doza Kobanê, ji ber êrişa ku li dijî avahiya HDP’ê ya Îzmîrê pêk hat taloqî sibê bû.&nbsp;

	&nbsp;

	Sêyemîn danişîna Kobanê ku 28 jê girtî 108 siyasetmedar jê tên darizandin, piştî navberê berdewam kir. Di danişînê de parêzerên Berdevkê berê yê HDP’ê Gunay Kûbîlay mafê axaftinê girtin û parastin kirin. Parêzer Ozgur Erol, ji ber ku heyeta dadgehê mudaxaleyî pirsên parêzerên gazindkeran neda bertek nîşanî heyeta dadgehê da û em sûcdariyên derew ên li hemberî muwekîlê xwe de qebûl nakin.&nbsp;

	&nbsp;

	BERTEKE LI DIJÎ HEYETA DADGEHÊ

	&nbsp;

	Erol, di berdewamê de bertek nîşanî daxuyaniya endamekî heyeta dadgehê ku got, ‘partiya ku di bûyerên Kobanê de xesar nedîtiye HDP ye’ da ev tişt got: “Birêz serok û endamên heyete hûn ji bilî doznameyê hin çavkaniyên din dişopînin. Heke tablo bê derxistin dê bê dîtin ku bi qasî HDP’î hatine darizandin û kuştin partiyeke duyemîn tuneye. Em ê avahiyên HDP’ê yên hatine hilweşandin û HDP’iyên hatine kuştin tune bihesibînin? Ji 37 kesên hatine kuştin 37 jê HDP’î ne. Em ê bibêjin û nîşan bidin. HDP’iyên ku hatine kuştin û neketine dosyayê hene.”

	&nbsp;

	DANIŞÎN TALOQ BÛ

	&nbsp;

	Parêzer Erol, sersaxî ji malbata Denîz Poyraz ku di êrişa li dijî avahiya HDP’ê ya Îzmîrê de hatibû qetilkirin re xwest û ji ber mudaxaleya polisan ku piştî êrişê li dijî parêzeran pêk hat daxwaz kir ku danişîn taloqî sibê bê kirin.&nbsp;

	&nbsp;

	Heyeta dadgehê daxwaza Erol qebûl kir û danişînê taloqî sibê kir.

	&nbsp;

	Siyasetmedarên girtî ku li eywana danişînê bûn jî bi dûrişmeya “Em ê destûr nedin wiha bidome, em qezenç bikin” ji eywana danişînê veqetiyan.&nbsp;

	&nbsp;

	&nbsp;

	&nbsp;