
Bertek nîşanî êrişa li Îzmîrê dan: HDP gel e, wê bêdeng nebe

2021-06-17 16:14:15


	NAVENDA NÛÇEYAN - Li gelek bajaran êrşa li dijî HDP’ê ya li Îzmîrê û kuştina Denîz Poyraz hat şermezarkirin.&nbsp;

	&nbsp;

	Îro danê sibê li Îzmîrê li dijî avahiya HDP’ê êrişek çekdarî ji aliyê Onûr Gencer ve pêk hat. Di êrişê de endama HDP’ê Denîz Poyraz hat qetilkirin.&nbsp;

	&nbsp;

	Li gelek bajaran bi awayek hemwext ev êriş hat şermezarkirin. HDP’ destnîşan dike ku ev Onur Gencer ê kujer li Sûriyê hatiye perwerdekirin û ji aliyê Wezîrê Karên Navxweyî Suleyman Soylû û dewletê ve hatiye organîzekirin.&nbsp;

	&nbsp;

	WAN

	&nbsp;

	Li Wanê HDP, DBP, TJA û nûnerên rêxistinên civakî yên sivîl û gelek kesan êrişa li Îzmîrê şermezar kir. Di daxuyaniyê de hat destnîşankirin ku berpirsê vê êrişê Tayyîp Erdogan, Suleyman Soylû û Devlet Bahçelî ye. Di daxuyaniyê bang li Soylû hat kirin ku îstîfa bike û hat diyarkirn ku wê HDP tu carî teslîmî tariyê nebe û kes nikare HDP’ê bêdeng bike.&nbsp;

	Piştî daxuyaniyê dirûşm hatin berzkirin.&nbsp;

	&nbsp;

	RIHA

	&nbsp;

	Rêxistina HDP’ê ya Rihayê jî li avahiya xwe êrişa li Îzmîrê şermezar kir. Rêveberên HDP’ê û Dayikên Aştiyê û gelek kes beşdarî daxuyaniyê bûn. Hevserokê HDP’a Rihayê Çîgdem Karakeçîlî destnîşan kir ku li Îzmîrê komkujiyek pêk hatiye û vê yekê qebûl nakin û wê têkoşîna xwe mezintir bikin.&nbsp;

	&nbsp;

	CIVÎNA MECLÎSÊ TERK KIRIN

	&nbsp;

	Li aliyê din endamên Meclîsa Şaredariya Bajarê Mezin a Rihayê yên HDP’ê civîna Meclîsê şermezar kirin û bertek nîşanî êrişê dan û civînê terikandin.&nbsp;

	&nbsp;

	EDENE

	&nbsp;

	Rêxistina HDP’ê ya Edeneyê jî li Parka Înonu êrişa li Îzmîrê şermezar kir. Rêveberên HDP’ê û nûnerên rêxistinên civakî û gelek kese beşdarî daxuyaniyê bûn û qetilkirina Denîz Poyraz şermezar kirin. Hevserokê HDP’a Edeneyê destnîşan kir ku tevî hemû komkujî, girtin û êrişan jî wê têkoşîna xwe ya ji bo azadiyê berdewam bikin û wê kes nikaribe HDP’ê bi komkujiyan bêzar bike. Girse çalakiya rûniştinê li dar xist û pişt re heta avahiya HDP’ê meş li darxistin.

	&nbsp;

	STENBOL&nbsp;

	&nbsp;

	Li Stenbolê jî bi pêşengiya Rêxistina HDP’ê ya Stenbolê meşek û daxuyaniyek girseyî hat lidarxistin. Girse heta ji kuçe û kolanan heta Meydana Şîşxaneya Beyoglûyê meşiya û li vir daxuyanî hat dayîn. Di daxuyaniyê û axaftinan de Denîz Poyraz hat bibîranîn û êriş hat şermezarkirin. Di daxuyaniyê de hat destnîşankirin ku wê HDP’ê xwedî li sekna dayika Denîz Poyraz a bi rûmet derkeve. Hat diyarkirin ku wê HDP li ber xwe bide û ji bilî berxwedanê tu şansê HDP’ê nîne.&nbsp;

	&nbsp;