
Berteka navneteweyî ya li dijî êrişa ser HDP’ê 

2021-06-18 14:07:04


	&nbsp;

	ENQERE - Rêxistin û siyasetmedarên navneteweyî, êrişa li dijî Rêxistina HDP’ê ya Îzmîrê û qetilkirina Denîz Poyraz şermezar kirin û bang li Parlamentoya Ewropayê kirin ku bikeve nava tevgerê.

	&nbsp;

	Êrişa li dijî Rêxistina Partiya Demokratîk a Gelan (HDP) ya Îzmîrê û qetilkirina xebatkara partiyê Denîz Poyroz, di qada navneteweyî de, rastî bertekên mezin hat. Gelek rêxistin, siyasetmedar û aktîvîstên navneteweyî êriş û qetilkirina Poyraz şermezar kirin.&nbsp;

	&nbsp;

	Hin bertekên li dijî êrişa li ser HDP’ê hatin nîşandan wihane:&nbsp;

	&nbsp;

	Ji partiyên mûxalif ên Yûnanîstanê Koalîsyona Çep a Radîlak (SYREZA): Di vê dema dijwar de, em piştgirî û dilsoziya xwe ya bi HDP’ê re aşkere dikin. Hewldana krîmînalîzekirina partiya sêyemîn a parlamentoya Tirkiyeyê nayê qebûl kirin.

	&nbsp;

	Endama Meclîsa Nûnerên Hollanda û Raportora berê ya Parlamentoya Ewropî (PE) a Tirkiyeyê Katî Pîrî: Faşîstekê, aktîvîsta Kurd Denîz Poyraz li avahiya HDP’ê ya Îzmîrê, bi awayekê hovane kuşt. Di vê dema dijwar de, ez sersaxiyê ji malbat û hevalên Deniz re dixwazim.

	&nbsp;

	Koma Sosyalîst û Demokratîk a Ewropayê: Ev êrişa hov, li dijî bingehên hemû pergalên demokratîkin.Divê hemû rayedar û partiyên siyasî yên têkildar ên li welêt bi lez û bez bertek nîşan bidin û ev tacîzên siyasî yên li dijî HDP’ê bi dawî bibin.

	&nbsp;

	Partiya Keskan a Awropayê: Em êrişa li dijî Buroya HDP'ê ya İzmîrê û qetilkirina Deniz Poyraz bi tundî şermezar dikin. Ramanên me bi malbata HDP re ne. Em bi hemû kesên ku ji êrişê bi bandor bûne re, di nava piştevaniyê de ne.

	&nbsp;

	Raportoru Parlamentoya Ewropayê yê Tirkiyeyê Nacho Sanchez Amor: Em li hemberî agahiya kuştina endama HDP’ê Denîz Poyraz di rewşekê saw û xofê dene. Divê bersûcê vê bûyera hovane teslîmî edaletê bê kirin. Pêwîste ev komploya siyasî ya li dijî HDP’ê tavilê bi dawî bibe.

	&nbsp;

	Partiya Çep a Parlamentoya Ewropayê: Em êrişa li dijî Buroya HDP'ê ya Îzmîrê û qetilkirina Deniz Poyraz bi tundî şermezar dikin. Divê yekitiya Ewropayê, demildest li dijî vê hoviyê deng derxîne.

	&nbsp;

	Komîsyona Sîvîl a Tirkiyeyê ya PE’yê: Em êrişa li dijî HDP’ê şermezar dikin. Kiryarên van êrişan hêza xwe ji kampanyayên qirêj ên ku ji aliyê AKP û MHP ve li dijî HDP tên meşandin digirin.

	&nbsp;

	Siyasetmedarê Danîmarkayî yê cihê xwe di Tifaqa Kes Sor de digire û endamê PE’yê Nîkolaj Vîllumsen, Tifaza Azad a Ewropayê, Assemblea Enternasyonel, Çepa Ewropa, Alîkara Giştî ya Rêxistina Şopandina Mafên Mirovan a Asya Navîn û Ewropayê Emma Sînclaîr-Webbe, Endamê Parlamentoya Ewropa, ji Koma Efa Keskan û siyasetmedarê Belçîkayî Sergey Lagodînsky, Endamê Parlamentoya Qraliyeta Yekbûyî yê ji Partiya Karker a Îngîlterê Lloyd Russelle-Moyle û Koordînatorê Giştî yê Enternasyonal a Pêşketî Davîd Adler jî, di heman çaroveyê de daxuyanî dan, êrişa li dijî HDP’ê û qetilkirina Denîz Poyraz şermezar kirin û xwestin Parlamentoya Ewropayê bikeve nava tevgerê.

	&nbsp;