
Şandeya KCD û DBP’ê li Dersimê ye: Em li dijî tecrîdê bi hev re têbikoşin  

2021-06-18 14:24:14


	&nbsp;

	DERSIM - Şandeya KCD û DBP’ê ji bo hefteyek bernameya xwe hat Dersimê. KCD û DBP’ê bi xelkê re civiya û bang li gelan kir ku li dijî tecrîda li ser Ocalan û civakê bi hev re rabin.&nbsp;

	&nbsp;

	Hevserokê Kongreya Civaka Demokratîk (KCD) Berdan Ozturk, Hevserokên Giştî yên Partiya Herêmên Demokratîk (DBP) Salîha Aydenîz û Keskîn Bayindir ji bo bernameya hefteyek hatin Dersimê. Serdanên şandeyê yên li Dersimê wê îro dest pê bikin û heta 24’ê hezîranê berdewam bikin. Şandeyê têkildarî bernameya xwe li avahiya Rêxistina HDP’ê ya Bajêr a Dersimê daxuyanî da. Berdan Ozturk û Salîha Aydenîz di daxuyaniyê de axivîn.&nbsp;

	&nbsp;

	‘DOZA ME MAFDAR E’&nbsp;

	&nbsp;

	Hevserokê KCD’ê Berdan Ozturk bi bîranîna Denîz Poyraz a duh li avahiya HDP’a Îzmîrê hat qetilkirin dest bi axaftina xwe kir û diyar kir ku bi salan e ew ji bo azadiyê têdikoşin. Ozturk anî ziman ku heta îro tu encamek ji van êrişên faşîst nehatiye bidestxistin û ew dozek mafdar bi rê ve dibin û tenê ne ji bo gelê kurd ji bo tevahiya xelkê ku li Tirkiyê dijî têdikoşin.&nbsp;

	&nbsp;

	‘DERSIMÊ TU CARÎ SERÎ NETEWAND’&nbsp;

	&nbsp;

	Ozturk da zanîn ku Dersimê cihek ku her tim di nava berxwedanê de ye û got: “Dersimê tu carî serî netewandiye. Her çiqas pergalê xwestibe Dersimê tune bike jî lê dîsa serî netewandiye. Ev der warê berxwedan û mîrateya Seyîd Riza û hevrêyên wî ye. Em ê 6 rojan li Dersimê bin. Em ê bi malbat û gelê xwe re werin ba hev. Em ê li nêrîn û pêşniyazên wan guhdar bikin û di çarçoveya van nêrîn û pêşniyazan de gavan biavêjin.”&nbsp;

	&nbsp;

	TECRÎD BELAVTIR DIBE&nbsp;

	&nbsp;

	Hevseroka DBP’ê Salîha Aydenîz jî axivî û Sakîne Cansiz bi bîranî û dest bi axaftina xwe kir. Aydenîz destnîşan kir ku ev demek e ew wek KCD, DBP, TJA û HDP’ê serdana gelek devaran dikin û behsa pêvajoyê, tecrîd û zextên li ser kurdan dikin. Aydenîz destnîşan kir k udi 6 salan de tiştên li Tirkiyê diqewimin encama tecrîdkirina Rêberê PKK’ê Abdullah Ocalan e û ev tecrîd ji Îmraliyê dest pê kiriye û li tevahiya girtîgehan û li ser civakê belav bûye.&nbsp;

	&nbsp;

	‘EM BI HEV RE LI DIJÎ TECRÎDÊ TÊBKOŞIN’&nbsp;

	&nbsp;

	Aydenîz anî ziman ku yên di neçareseriyê de israr dikin tecrîdê kûrtir û girantir dikin û got: “Bi tecrîdê re polîtîkaya şer bi rê ve dibin. Îqtidarê faşîzm ji xwe re kiriye sazî. Birêz Abdullah Ocalan 22 sal e di bin tecrîdek giran de tê ragirtin û tecrîdek wiha li tu devara cîhanê nîne. Birêz Ocalan aktorê sereke yê çareserkirina pirsgirêka kurd e. Divê gelê kurd û gelên Tirkiyê bi hev re li dijî tecrîdê rabin û têbikoşin.”

	&nbsp;

	‘DAXWAZ AZADIYA OCALAN E’&nbsp;

	&nbsp;

	Aydenîz bi bîr xist ku 204 roj in girtî li dijî tecrîdê û binpêkirinên mafan ên li girtîgehan di greva birçîbûnê de ne û got: “Armanca greva birçîbûnê ya yekemîn rakirina tecrîdê û azadiya birêz Abdullah Ocalan e.” Aydenîz got ew ê 6 rojan li Dersimê lig undan, taxan serdanan bikin û bi nûnerên rêxistinên civakî yên sivîl jî bicivin û pêvajoya heyî nîqaş bikin.&nbsp;

	&nbsp;