
Denîz Poyraz bi qurnefîlan hat definkirin    

2021-06-18 21:03:49


	ÎZMÎR - Jinan tabûta Denîz Poyrazê li ser milê xwe kirin û anîn Goristana Kaynaklar a Bûcayê. Cenazeyê Bûcakê bi qurnefîlan hat definkirin.&nbsp;

	&nbsp;

	Cenazeyê Denîz Poyraz ku di êrîşa li dijî HDP'a Îzmîrê de jiyana xwe ji dest da, piştî merasîma girseyî ya li Kadîfekaleyê anîn Goristana Kaynaklar a Bûcayê. Bi hezaran kes jî tevî wesayîta cenaze çûn goristanê. Di dema çûba ber goristanê de dowîzên li ser "Em hemû Denîz in, em hemû HDP'î ne" nivîsandî hatin hilgirtin û dirûşmeyên "HEvrê denîz nemirî ye" û "Dê Kurdistan bibe gora faşîzmê" hatin berzkirin.&nbsp;

	&nbsp;

	Hevberdevkên HDK'ê Cengîz Çîçek û Esengul Demîr, Hevserokên Giştî yên HDP'ê PErvîn Bûldan û Mîthat Sancar, Serokê Giştî yê EMEP'ê Ercument Akdenîz, nûnerên partiyên siyasî û rêxistinên civaka sivîl jî di nav de bi hezaran kes hatin goristanê.&nbsp;

	&nbsp;

	Bi hezaran polîs û cendirme goristanê dorpêç kirin.&nbsp;

	&nbsp;

	Jinan tabûta Poyrazê ya ku flamayên mor lê hatibûn lefandin li ser milê xwe kirin û anîn goristanê. Li goristanê jinan qurnefîl danîn ser tabûta Poyrazê û strana Delîlayê ya bi navê "Sê Jinên Azad" gotin.&nbsp;

	&nbsp;

	HER DU BIRAYÊN WÊ HATIN GORISTANÊ&nbsp;

	&nbsp;

	Birayên Poyrazê Suleyman Poyraz ku di Girtîgeha Şakranê û birayê wê Îbrahîm Poyraz ku di Girtîgeha Odemîşê de ne, jî di dema veşartina cenaze de bi destûr hatin goristanê. Her du birayan xatir ji xwişka xwe Denîz Poyrazê xwestin û piştî kêliyekê bê dê û bavên xwe re axivîn, cardin wan birin girtîgehê.&nbsp;

	&nbsp;

	Her wiha birayekî Denîz Poyrazê Kamûran Poyraz jî di Girtîgeha Kepsûtê de ye, lê belê îdareya girtîgehê nehişt Kamûran Poyraz tevli merasîma cenaze bibe.

	&nbsp;

	Cenazeyê Poyrazê bi berzkirina dirûşmeya "Şehîd namirin" û bi tilîliyan hat veşartin.&nbsp;