
ÎHD û Xizmên Windayan: Faîlan bibînin û bidarizînin 

2021-06-19 13:31:34


	&nbsp;

	AMED / ÊLIH - Şaxa ÎHD’ê ya Amedê û Xizmên Windayan xwestin faîlên Atîlla Korkmaz û Mahmût Onerari werin dîtin. Li Êlihê jî ÎHD’ê û Xizmên Windayan xwestin aqûbeta belavkarê Ozgur Ulkeyê Îsmaîl Agaya were zelalkirin û faîl werin dîtin û darizandin.&nbsp;

	&nbsp;

	Komeleya Mafê Mirovan (ÎHD) a Şaxa Amedê û Xizmên Windayan di hefteya 645’em3in de çalakiya “Bila Winda Werin Dîtin û Faîl Werin Darizandin” bi rêya online li dar xist. Vê hefteyê hat xwestin ku kujer ango faîlên Atîlla Korkmaz û Mahmût Onerarş ên di 8-9’ê çileya 1996’an de li Amedê di binçavan de hatin kuştin werin dîtin. Rêveberê Şaxa ÎHD’ê Yakûp Guven çîroka serpêhatiya Korkmaz û Onerari xwend.&nbsp;

	&nbsp;

	KORKMAZ Û ONERARI LI CIHEKÎ HATINE DÎTIN&nbsp;

	&nbsp;

	Guven diyar kir ku Atîlla Korkmaz ê zewicandî di 27 saliya xwe de roja 9’ê çileya 1996’an li semta Batikentê ya Rezana Amedê dema diçû markete ji aliyê polîsên cilên sivîl li wan hatiye binçavkirin û windakirin û cenazeyê wî di 2’ê çileya 1997’an de li Semsûrê hatiye dîtin.&nbsp;

	&nbsp;

	Guven anî ziman ku Mahmût Onerari jî li navçeya Licê ji aliyê polîsên sivîl ve hatiye binçavkirin û malbatê agahî jê negirtiye. Guven got cenazeyê Onerari jî li gel yê Korkmaz li Semsûrê hatiye dîtin. Guven destnîşan kir ku Atilla Korkmaz û Mahmût Onerari piştî hatine binçavkirin bi guleyan hatine înfazkirin.&nbsp;

	&nbsp;

	‘FAÎLAN BIDARIZÎNIN’&nbsp;

	&nbsp;

	Guven da zanîn ku tevî 24 sal di ser înfazkirina Korkmaz û Onerari re derbas bûye hêj faîl nehatine dîtin û got: “Faîlan windayan bibînin û bidarizînin. Windakirinên bi darê zorê û înfazkirina wan sûcê li dijî mirovahiyê ye.”&nbsp;

	&nbsp;

	ÊLIH

	&nbsp;

	Şaxa ÎHD’ê ya Êlihê û Xizmên Windayan li Êlihê jî di hefteya 482’yemîn de çalakiya “Bila Winda Werin Dîtin û Faîl Werin Darizandin” li dar xist. Çalakî li avahiya ÎHD’ê pêk hat û rêveberên ÎHD’ê wêneyên windayan hildan. Rêveberê Şaxa ÎHD’ê Ahmet Şîray axivî û çîroka windakirina belavkarê Rojnameya Ozgur Ulke Îsmaîl Agaya yê ji aliyê JÎTEM’ê ve di 29’ê gulana 1994’an de hat windakirin xwend.&nbsp;

	&nbsp;

	BELAVKARÊ ROJNAMEYA OZGUR ULKEYÊ BÛYE

	&nbsp;

	Şîray da zanîn ku Îsmaîl Agaya 20 salî bûye û li Êlihê bi malbata xwe re dijiya û belavkariya rojnameya Ozgur Ulke ya ku binpêkirinê mafên mirovan ji raya giştî re radigihand dikir. &nbsp;Şîray da zanîn ku li gorî dayika Agaya, Mufîde Agaya gotiye lawê wê ji aliyê sê kesên bi cilên sivîl li wan ve hatiye revandin û ji wê rojê ve nehatiye dîtin. Şîray destnîşan kir ku li gel malbatê serî hemû saziyan daye jî tu encam jê negirtine û ew bang dikin ku aqûbeta Agaya yê 27 sal in winda ye were zelalkirin û faîl werin dîtin û darizandin.&nbsp;

	&nbsp;

	&nbsp;