
Li Êlihê polîsan mudaxileyî daxuyanî kir: Hevşaredar Mehmet Demîr hat îşkencekirin 

2021-06-19 14:20:05


	ÊLIH - Dayikên Aştiyê xwestin li Êlihê daxuyanî bidin çapemeniyê. Polîsan mudaxileyî daxuyan kir û hevşaredarên Êlihê û Hevseroka HDP’a Êlihê jî di nav de gelek kes bi îşkenceyê binçav kirin.&nbsp;

	&nbsp;

	Endamên Meclîsa Dayikên Aştiyê yên Êlihê xwestin têkildarî qetilkirina Denîz Poyraz li ber Navenda Kar a Nasiroglû daxuyanî bidin çapemeniyê. Polîsan dayikan dorpêç kir û mudaxileyî çalakiyê kir. Mudaxileyek tund pêk hat û îşkence li welatî û rêveberên HDP’ê hat kirin. Polîsan li parlamenterên HDP’ê Ruştu Tirkyakî û Necdet Îpekyûz dan.&nbsp;

	&nbsp;

	

	&nbsp;

	ÎŞKENCE LI DOKTOR HAT KIRIN&nbsp;

	&nbsp;

	Her wiha polîsan bi awayek tund îşkence li Hevşaredarê Êlihê Dr. Mehmet Demîr kir. Polîsan Demîr avêt erdê, destê wî kelemçe kirin û lêdan.&nbsp;

	&nbsp;

	GELEK KES BINÇAV KIRIN&nbsp;

	&nbsp;

	Di mudaxileyê de Hevşaredarên Êlihê Mehmet Demîr û Songul Korkmaz yên qeyûm danîne şûna wan, Hevseroka HDP’a Êlihê Fatma Ablay, Berdevka TJA’yê ya Êlihê Gulistan Sonuk jî di nav de de gelek kes bi erdê re kaşkirin û binçav kirin û birin Miduriyeta Polîsan.&nbsp;

	&nbsp;