Parêzeran ji bo hevdîtinê serlêdan kirin 

2021-06-23 10:59:07


	 

	STENBOL - Parêzerên Rêberê PKK'ê Abdullah Ocalan, ji bo ku bi muwekîlên xwe re hevdîtin bikin serî li Serdozgeriya Komarê ya Bûrsayê dan. 

	 

	Parêzerên Rêberê PKK'ê Abdullah Ocalan ku di bin şertê tecrîdê de li Girtîgeha Tîpa F a Îmraliyê girtî ye, Mazlûm Dînç, Îbrahim Bîlmez, Nevroz Ûysal û Serbay Koklu, ji bo ku bi muwekîlên xwe re hevdîtin bikin serî li Serdozgeriya Komarê ya Bûrsayê dan. 

	 

	BERSIVA SERLÊDANAN NADIN

	 

	Di 23’ê îlonê de bi hinceta “Nexşerêya" ku di sala 2009’an de weke pêveka parastina xwe ji Dadgeha Mafê Mirovan a Ewropayê (DMME) re şandiye, ji bo 6 mehan biryara qedexeya parêzeran dabûn Ocalan û 3 girtiyên gel wî. Li gel ku qedexeya hevdîtinê di 23’yê adarê de qediya jî, ji serlêdanên parêzeran re ne erênî ne neyînî bersiv nayê dayîn. Dîsa bi serlêdana parêzeran a çileya 2021'an de derket holê ku cezayekî dîsîplînê yê nû dane Ocalan. 

	 

	Ji parêzerên Ocalan Rezan Sarica û Newroz Ûysal, piştî 8 salan di 2-22’ê Gulan, 12-18’ê Hezîran û 7’ Tebaxa 2019’an de hevdîtin bi muwekîlên xwe re kiribûn.

	 

	HEVDÎTIN DI NÎVÎ DE QÛT BÛBÛ

	 

	Herî dawî ji ber îdiayên li ser hesabên medya civakî yên derbarê Ocalan de fikarên raya giştî mezin bûbûn û di 25’ê Adarê de birayê Ocalan Mehmet Ocalan pê re bi telefonê axivî bû. Lê Mehmet Ocalan ragihandibû ku hevdîtina telefonê di nivî de hatiye birîn. Ocalan ku 22 sal in li Girtîgeha Îmraliyê ya Ewlehiya Bilind a Tîpa F di bin tecrîdeke girankirî de girtî ye cara ewil di 27’ê Nîsana 2020’an bi telefonê bi birayê xwe Mehmet Ocalan re axivî bû.