
Dadgeha Amedê cezayê hefsê li rojnamevan Boltan birî  

2021-06-29 14:51:44


	&nbsp;

	AMED - Dadgehê bi îdiaya ku rojnamevan Hakki Boltan “heqaret li serokkomar û serokwezîrê berê Ahmet Davûtoglû kiriye” 2 sal û 17 roj cezayê hefsê lê hat birîn.&nbsp;

	&nbsp;

	Rojnamevan Hakki Boltan di sala 2016’an de têkildarî Midurê Karên Nivîsan ê Azadiya Welat Rohat Aktaş ku di qedexeya derketina derve ya li Cizîrê de li jêrzemîna avahiyekê hat qetilkirin, daxuyanî dabû. Boltan gotibû Serokkomarê AKP’yî Tayyîp Erdogan û Serokwezîrê berê Ahmet Davûtoglû berpirsiyarê qetilkirina Rohat Aktaş in. Ji ber vê yekê doz li Boltan hat vekirin. Danişîna doza Boltan li 12’emîn Dadgeha Cezayê Asliyê ya Amedê hat lidarxistin.&nbsp;

	&nbsp;

	Dozger xwest li Boltan cezayê hefsê were birîn.&nbsp;

	&nbsp;

	‘JI HEQARETÊ WÊDETIR WEZÎFEYA WAN BI BÎRA WAN XISTIYE’&nbsp;

	&nbsp;

	Parêzerê Boltan, Resûl Tamûr da zanîn k udi wê dîroka miwekîlê wî daxuyanî daye de Serokê Cemiyeta Rojnamevanên Azad bûye û di wê serdemê de li ser rojnamevanan zextên giran hebûn û Boltan ji heqaretê wêdetir wezîfeya berpirsiyarên dewletê bi bîr wan xistiye. Tamûr xwest miwekîlê wî were beraetkirin.&nbsp;

	&nbsp;

	CEZA HAT BIRÎN&nbsp;

	&nbsp;

	Şandeya dadgehê daxwaza dozger erê kir û daxwaz parêzer red kir û bi îdiaya “heqaret li serokkomar hatiye kirin” salek û 2 meh û 17 roj û bi îdiaya “heqaret li Serokwezîr kiriye” jî 10 meh cezayê hefsê li Boltan birî.&nbsp;

	&nbsp;