
Wê li Amedê êdî xwarin li malên şînê neyê dayîn

2021-07-01 14:12:20


	&nbsp;

	AMED - Li malên şînê yên Amedê ku derbasî pergala dijîtal bûn biryar hat dayîn ku êdî xwarin neyê dayîn.&nbsp;

	&nbsp;

	Odeya Pişesazî û Bazirganiyê ya Amedê (DTSO), Borsaya Bazirganiyê ya Amedê (DTB), &nbsp;Yekitiya Odeyên Seneetkar û Esnafan a Amedê (DESOB), Herêma Pişesaziya Organîze ya Amedê (OSB) û Platforma Komeleyên Amedê, têkildarî Pergala Şopandina Malên Şinê ku amade kirine û nedayîna xwarinê ya li malên şînê li avahiya DTSO'yê daxuyanî dan çapameniyê.&nbsp;

	&nbsp;

	PERGALA DÎJÎTAL

	&nbsp;

	Endamê Lijneya Rêveberiya DTSO'yê Ramazan Kadrî Kazmaci ku daxuyanî da, diyar kir bi armanca ku li gorî şertên guherîne û pêş ketine bin bi hevkariya rêxistinan malên şînê derbasî pergala dijîtal kirine û wiha got: "Bi vê armancê em pêkanîna mobîl ku li Tirkiyeyê cara yekemîn hatiye amadekirin pêşkêşî xizmeta gelê xwe dikin. Projeya ku bi koordînatoriya DTSO'ê hat birêvebirin ji 3 astan pêk tê. Asta yekemîn nivîsbariya înternetê ye; di vê astê de daneyên (Kesê mirî, dîrok û xizmê mirî) şînan ku ji yekîneya di bin banê DTSO'yê de hatiye avakirin re tên li pergalê tên barkirin. Asta duyemîn nivîsbariya televîzyonê ye; Di vê astê de jî agahiyên daneyên ku li pergalê hatine barkirin ji bo li hemû malên şînan bên şopandin di ekrana televîzyonê de tên nîşandan. Asta seyemîn jî pêkanîna mobîl e; Ev pêkanîn li telefonê tê barkirin û bi rêya vê pêkanînê agahiyên şînan û malên şînan li her dera dinyayê dikare bê hînkirin."

	&nbsp;

	BIRYARA XWARINA LI MALÊN ŞÎNAN

	&nbsp;

	Sekreterê Giştî yê Platforma Komeleyan Nûsret Îla jî diyar kir ku ji bo tenduristiya civakê û hevsengiya aboriyê di mijara nedayîna xwarinê ya li malên şînan de biryar girtine û daxwaz kir ku li malên şînan maske bên bikarainîn, mesafeya fizikî bê parastin û şertên paqijiyê pêk bên.&nbsp;

	&nbsp;