
HDK: Rêya rizgariyê têkoşîna hevpar e 

2021-07-03 13:31:47


	&nbsp;

	STENBOL - Hevberdevkên HDK’ê di civîna Meclîsa Giştî de axivîn û destnîşan kirin ku bingeha operasyonên derveyî sînor, tecrîda li Îmraliyê, talana ked, polîtîkaya tunekirina jinan û ciwanan bi pirsgirêka kurd ve girêdayî ye û rizgariya tekane ya di destê gelan de têkoşîna hevpar e.&nbsp;

	&nbsp;

	Kongreya Demokratîk a Gelan (HDK), civîna Meclîsa Giştî ya Serdema 11'emîn li avahiya Rêxistina HDP’ê ya Navçeya Bagcilara Stenbolê li dar xist. Pankartên “Wê jiyana nû bi ser bikeve” û “Bi biryariya şehîdên şoreşê em ê bi ser bikevin” li ewyana civînê hatin daliqandin. Hevberdevkên HDK’ê Esengul Demîr û Cengîz Çîçek, Parlamenterê HDP’ê yê Stenbolê Mûsa Pîroglû û gelek kes beşdarî civînê bûn.&nbsp;

	&nbsp;

	BINGEHA PIRSGIRÊKAN, KÊŞEYA KURD E&nbsp;

	&nbsp;

	Hevberdevk Esengul Demîr û Cengîz Çîçek di destpêka civînê de axivîn û bal kişandin ser gelek mijarên girîn û polîtîkayên înkarê. Hevberdevkan qurbaniyên komkujiyên li Madimakê û Çorûmê bibîr anîn. Hevberdevkan destnîşan kir ku bingeha operasyonên derveyî sînor, tecrîda li Îmraliyê, talana ked, polîtîkaya tunekirina jinan û ciwanan bi pirsgirêka kurd ve girêdayî ye û rizgariya tekane ya di destê gelan de têkoşîna hevpar e.&nbsp;

	&nbsp;

	Piştî axaftina hevberdevkan civînê ji çapemeniyê re girtî berdewam kir.&nbsp;

	&nbsp;