
Gardiyanên îşkencekar ên doz li wan hatiye vekirin hê jî li ser kar in

2021-07-06 09:04:14


	MÊRDÎN – Li Girtîgeha Tîpa L a Kalkandereyê ya Rîzeyê, gardiyanên ku ji ber îşkenceya li girtiyan kiribûn doz li wan hatibû vekirin hê jî li heman girtîgehê li ser kar in.&nbsp;

	Girtî Orhan Can, Kemal Yîgît û Mûrat Bakûdan di 10 çileya 2019’an de ji Girtîgeha Tîpa T a Rihayê sewqî Girtîgeha Tîpa L a Kalkandere ya Rizeyê hatibûn kirin. Li vir gardiyanan li girtiyan dabûn û îşkence li wan kiribûn. Ji ber vê îşkenceyê doz li gardiyanan hatibû vekirin. Rexmî vê jî ev garidyan niha li heman girtîgehê li ser kar in.

	&nbsp;

	DU CARAN LI GIRTIYAN DANE

	&nbsp;

	Destpêkê her sê girtiyan biribûn Girtîgeha Tîpa E ya Trabzonê. Li vir gardiyanan lêgerîna tazî li girtiyan ferz kiribûn û ji ber ku li dij derketibûn gardiyanan li wan dabû. Piştre girtiyan ji vir derbasî Girtîgeha Tîpa L a Kalkandere ya Rizeyê hatibûn kirin. Li vir jî gardiyana lêgerîna tazî li girtiyan ferz kiribûn û ji ber ku dij derketibûn gardiyan li vir jî li girtiyan dabûn. Di encama vê lêdanê de girtî bi giranî birîndar bûbûn û ew rakiribûn Nexweşxaneya Lekolîn û Perwerdeyê ya Rîzeyê.&nbsp;

	&nbsp;

	&nbsp;RAPORÊN REWŞA GIRTIYAN

	&nbsp;

	Di rapora ku li nexweşxaneyê ji bo girtiyan hatibû amadekirin de hat diyarkirin ku di parsûyên Orhan Can û Kemal Yîgît de derzandin çêbûye. Di raporê de ji bo Mûrat Bakûdan jî hatibû gotin ku bi awayekî sivik birîndar bûye. Ji berk u girtî giliya wan kirin Serdozgeriya Komarê ya Kalkandereyê der barê gardiyanan de lêpirsîn da destpêkirin. Di çarçoveya lêpirsînê de girtî sewqî Saziya Tipa Edlî (ATK) ya Rîzeyê hatin kirin û rapor hat amadekirin. Di rapora ATK’ê de jî ji bo Orhan Can û Kemal Yîgît hat gotin ku bi awayekî giran hatine birîndarkirin û jiyana wan ketiye xetereyê. Ji bo Bakûdan jî hat gotin ku bi awayekî sivik birîndar bûye.&nbsp;

	&nbsp;

	&nbsp;DOZ HAT VEKIRIN

	&nbsp;

	Piştî raporan dozgerî der barê gardiyan Îsmaîl A., Osman Ç., Vedat S. û Baş Memur Tolga C. &nbsp;de lêpirsîn da destpêkirin û dozname amade kir. Di doznameyê de dozger sûcdariya “birîndarkirina giran” her çar gardiyanan kir û xwest ku gardiyan ji ber êrişa &nbsp;xwe ya li dijî Yîgît û Can bên cezakirin. Di çarçoveya dozê de îfadeyên girtî û gardiyanan hatin girtin. Girtiyan tundiya ku li wan hatibû kirin vegotine û gardiyanan jî angaşt kirin ku derneketine derveyî qanûnan û bi awayekî sînor mudaxaleyî girtiyan kirine.&nbsp;

	&nbsp;

	Piştî ku doz hat vekirin pêvajoya darizandinê dest pê kir. Hat hînkirina ku rexmî vê jî 4 gardiyan li heman girtîgehê hê li ser kar in û peywir dikin. Gardiyanan, di danişînê de cihê xwe yê kar weke Girtîgeha Tîpa L a Kalkandereyê nîşan dan.&nbsp;

	&nbsp;

	GARDIYANAN &nbsp;HEVDÎTINÊ ASTENG KIRIN

	&nbsp;

	Parêzerê girtî Kemal Yîgît ku îşkence li hatibû kirin Mehmet Demîr, diyar kir ku beriya demekê çûye hevdîtina muwekîlê xwe û gardiyana hewl daye hevdîtina wî astgeng bikin. Parêzer Demîr, destnîşan kir ku piştî rêwitiya xwe ya 10 saetan çûye girtîgehê &nbsp;û li girtîgehê hincetên cuda jê re hatine nîşandan û piştî ku serokên baroyan û dozgeriyê xistiye dewrê hevdîtin pêk aniye û wiha got: “Ji ber dozê nedixwestin hevdîtin pêk bê. Gardiyanên ku îşkence li muwekîlê min kirine hê jî li heman girtîgehê ne. Ev jî li pêşiya darizandineke adilane asteng e. Ji berk u îşkence bi raporên tipa edlî qeyd kiriye divê gardiyan bên girtin. Lê dadgeh daxwaza me ya ji bo girtinê red dike.”

	&nbsp;

	MA / Ahmet Kanbal

	&nbsp;