
Li Nisêbînê 11 kes hatin binçavkirin 

2021-07-06 11:13:51


	&nbsp;

	MÊRDÎN - Li Nisêbînê di saetên serê sibê de di serdegirtina malan de Dayikên Aştiyê jî di nav de 11 kes hatin binçavkirin.&nbsp;

	&nbsp;

	Polîsan li navçeya Nisêbîna Mêrdînê di saetên serê sibê de bi ser gelek malan de girt. Di çarçoveya lêpîrsîna derbarê serdema qedexeya derketina derve ya di salên 2015 û 2016’an de hatiye destpêkirin, Dayikên Aştiyê jî di nav de 7 jê jin 11 kes hatin binçavkirin.&nbsp;

	&nbsp;

	Hat zanîn ku di nav kesên hatine binçavkirin de Dayikên Aştiyê Hayat Akdaş, Bilmez Ari, Seyran Onuşdu û jinên bi navê Şehrîban Demîr û Sedîka Îlhan jî hene.&nbsp;

	&nbsp;

	Hat zanîn ku Şehrîban Demîr a hat binçavkirin nû welidiye û dema polîsan bi ser mala Dayika Aştiyê Hayat Akdaş a îkameta wê ya kevn de girtine derî û pencere şikandine û wisa ketine hûndir. Polîsên ku li malê kes nedîtin, çûn navnîşana Akbaş ya nû û ew binçavkirin.

	&nbsp;

	Kesên hatin binçavkirin birin Miduriyeta Polîsan a Nisêbînê.

	&nbsp;