
Partiya Pêşerojê serdana Malbata Şenyaşar kir: Em berxwedana we destek dikin 

2021-07-07 12:15:25


	&nbsp;

	RIHA - Malbata Şenyaşar di roja 121’emîn de çalakiya xwe ya “edaletê” didomîne. Rêveberên Partiya Pêşerojê serdana malbatê kirin û gotin “em berxwedana we ya birûmet destek dikin.”&nbsp;

	&nbsp;

	Malbata Şenyaşar 121 roj in li ber Edliyeya Rihayê daxwaza “edaletê” dike. Malbat îro jî serê sibê hat ber edliyeyê û çalakiya nobeta “edaletê” li dar xist. Emîne û lawê xwe Ferît Şenyaşar dowîzan danîn erdê û daxwaza edaletê kirin.&nbsp;

	&nbsp;

	Îro Cîgirên Serokên Giştî yên Partiya Pêşerojê Ganî Torûn û Serkan Ozcan û gelek rêveberên vê partiyê serdana Malbata Şenyaşar kirin.&nbsp;

	&nbsp;

	Emîne Şenyaşar di serdanê de axivî û got: “Bila lawê min Fasil bidin min.”&nbsp;

	&nbsp;

	Ferît Şenayaşar jî got ew dixwazin li tavilê dawî li zilma li ser wan were û daxwaza wan pêk were.&nbsp;

	&nbsp;

	Cîgirê Serokê Giştî yê Partiya Pêşerojê Ganî Torûn jî destnîşan kir ku ew civak tê cezakirin û got: “Em li cem malbatê ne. Heq, hiqûq û edalet nîne. Em berxwedana birûmet a malbatê silav û destek dikin.”&nbsp;

	&nbsp;

	Cîgirê Serokê Giştî yê Partiya Pêşerojê û Berdevkê Partiyê Serkan Ozcan jî da zanîn ku hêsirên dayika Emînê dilê wan dişewitîne û wê îqtidar hesabê vê yekê bide.&nbsp;

	&nbsp;