
Derbarê Hevserokê HDP’ê yê pirsgirêka avê anî ziman lêpirsîn hat destpêkirin

2021-07-08 15:34:45


	ÊLIH - Derbarê Hevserokê HDP’a Êlihê Omer Kûlpû yê ku qutkirina ava gundên Hezoyê di bernameya televîzyonekê de anî ziman lêpirsîn hat destpêkirin.&nbsp;

	&nbsp;

	DÎCLE EPSAŞ bi navek din DEDAŞ’ê ceryana dînamoyên ava gundên Zîlan, Selîvê, Kanîkê, Malê Gir, Hiskutê, Holê û Xoxê û mezraya Bacaxê yên bi ser navçeya Hezo ya Êlihê ve birriye û 16 roj in bêav mane. Hevserokê Rêxistina HDP’ê ya Bajêr a Êlihê Omer Kûlpû ji bo pirsgirêka avê bîne ziman beşdarî bernameya televîzyonekê bûbû. Serdozgeriya Komarê ya Êlihê bi îdiaya “Xelkê tahrîkî kîn û dijminatiyê kiriye û biçûk xistiye” derbarê Kûlpû de lêpirsîn da destpêkirin. Miduriyeta Polîsan a Êlihê li Kûlpû geriyaye û xwestiye biçe îfade bide polîsan.&nbsp;

	&nbsp;

	‘MEXDURIYETÊ NABÎNIN LÊ KETINE PEY LÊPIRSÎNAN’&nbsp;

	&nbsp;

	Kûlpû çû Miduriyeta Polîsan û îfade da. Kûlpû bertek nîşanî lêpirsînê da û got xelkê gundan çi ji wan re vegotiye wê di televîzyonê de aniye ziman û wî mexduriyeta xelkê gundan ragihandiye. Kûlpû destnîşan kir ku rayedarên ku pirsgirêka avê ya xelkê gundan nabîne ketine pey lêpirsînan. Kûlpû xwest ku pirsgirêka avê ya li gundan demildest were çareseserkirin.&nbsp;

	&nbsp;

	‘EM Ê HER BÎNIN ZIMAN’&nbsp;

	&nbsp;

	Kûlpû da zanîn ku ew ê di şert û mercê de pirsgirêka avê ya li gundan bînin ziman û wê lêpirsîn nikaribe pêşiya wan bigire.&nbsp;

	&nbsp;