
Rêveberiya nû ya Baroya Rihayê serdana Malbata Şenyaşar kir  

2021-07-09 12:42:46


	&nbsp;

	RIHA - Rêveberiya Baroya Rihayê ya nû serdana piştevaniya Malbata Şenyaşar ku 123 roj in nobeta “edaletê” digire kirin.&nbsp;

	&nbsp;

	Emîne û Ferît Şenyaşar (Malbata Şenyaşar) bi daxwaza “edaletê” 123 roj in li ber Edliyeya Rihayê nobetê digire. Malbat vê sibehê jî ji malê berê xwe dan ber edliyê û hatin li pêş avahiya edliyê rûniştin û dest bi çalakiya xwe kirin. Rêveberiya Baroya Rihayê ya nû serdana malbatê kir. Parêzerên malbatê jî bi Rêveberiya Baroyê re bûn.&nbsp;

	&nbsp;

	‘YÊN KU EDALETÊ BÎNIN RÊXISTINÊN HIQÛQÊ NE’&nbsp;

	&nbsp;

	Ji parêzerên malbatê Gokhan Dayik derbarê dosyeya dozê de agahî parvekirin. Pişt re Ferît Şenyaşar axivî û behsa têkoşîna xwe ya edaletê kir û destnîşan kir ku li holê sûcek mirovahiyê heye. Şenyaşar got yên ku vê edaletê temîn bikin rêxistinên hiqûqî ne.&nbsp;

	&nbsp;

	‘DAXWAZA MALBATÊ DAXWAZA ME YE’&nbsp;

	&nbsp;

	Serokê Baroya Rihayê yê nû Mehmet Welat Îzol jî destnîşan kir ku ew dixwazin li tavilê edalet pêk were û ne 123 roj malbat hezar û 23 roj jî li vir rûnên wê piştevaniya malbatê bikin. Îzol anî ziman ku daxwaza malbatê daxwaza wan e û ji bo daxwaza malbatê wê bi Serdozger re hevdîtin bike.&nbsp;

	&nbsp;

	Ji parêzerên malbatê Hîdayet Emenek jî axivî û derbarê têkoşîna malbatê û binçavkirinên malbatê de agahî da, daxwazên parêzeran jî parve kir û got serdana baroyê wan kêfxweş kiriye.&nbsp;

	&nbsp;

	&nbsp;