
Parêzer û birayê wî li Rihayê hatin kuştin 

2021-07-17 11:15:47


	&nbsp;

	RIHA - Parêzer Îsa Alkan (38) û birayê wî Omer Alkan (28) li Rihayê, di şerê çekdarî yê di navbera du malbatên hev de hatin kuştin.

	&nbsp;

	Li Rihayê, di navbera xizmên hevjînên ku di pêvajoya hevberdanê de bûn de, şerê çekdarî derket. Bûyer, di saetên şevê de li Taxa Sirrin a navçeya Halîliyê pêk hat. Li gorî îdîayan, A.O., diçe gel hevjîna xwe ya ku navê wê nehat zanîn û li ber hevberdanê bûn, bipeyive.

	&nbsp;

	Li ber malê, di navbera A.O. û aliyan de nîqaş derdikeve. Ev nîqaş di demek kurt de mezin dibe û vediguhere şerê çekdarî. Di dema şer de, parêzer Îsa Alkan (38) û birayê wî Omer Alkan (28) bi guleya çeka zavayê xwe A.O. birîndar dibin.

	&nbsp;

	Du birayên Alkan ên bi ambulansê radikin Nexweşxaneya Perwerdê û Lêkolînê ya Mehmet Akîf Înan, ligel hemû mudaxileyan jî, nayin rizgarkirin û jiyana xwe ji dest didin. Dûre cenazeyê her du birayan ji bo otopsiyê şandin Saziya Tipa Edlî.

	&nbsp;

	Polîsan ji bo O.A. yê piştî bûyerê reviya, dest bi xebata binçavkirinê kirin. Hat diyarkirin ku derbarê bûyerê de lêpirsîn hat destpêkirin.

	&nbsp;