
Polîsan rapora lêdanê ya jina ducanî desteser kir  

2021-07-17 12:28:17


	ŞIRNEX - Hat zanîn ku rewşa Hatîce Baykara ya ducanî ku 8 mehî ye di encama tundiya polîsan lê kiribû de rakirine nexweşxaneyê û pitik krîtîk e. Polîsan rapora nexweşxaneyê ya lêdanê jî desteser kir.

	Li taxa Turgut Ozal a navçeya Hezexa Şirnexê duh polîsan bi ser mala Hatîce Baykara ya ducanî ku 8 mehî ne de girtibû û lêdabûn. Polîsan bi qûndaxa tifingê li Baykara da û bi porê wê girtin û bi erdê re kaş kiribûn.&nbsp;

	&nbsp;

	Baykara ji ber îşkenceya polîsan ji ser hişê xwe çû û xizmên wê ew rakiribûn Nexweşxaneya Dewletê ya Hezexê. Baykara hêj li nexweşxaneyê tê ragirtin û doktoran da zanîn ku rewşa pitik jî krîtîk e. Hat zanîn ku herî kêm divê Baykara rojek din jî li nexweşxaneyê were ragirtin.&nbsp;

	&nbsp;

	RAPOR HAT DESTESERKIRIN&nbsp;

	&nbsp;

	Halîme Baykara destnîşan kir ku rewşa tenduristiya bûka wê Hatîce Baykara û pitik ne baş e û got: “Doktoran got rewşa pitik ne baş e.” Halîme Baykara anî ziman ku êşên bûka wê hene û polîsan dest daniye ser rapora lêdanê ku nexweşxaneyê daye wan û got: “Polîsan ji me re got heke hevjînê wê were em ê raporê nedin we."&nbsp;

	&nbsp;