
Malbatên Roboskiyê cejnê li goristanê pêşwazî kirin 

2021-07-20 10:06:51


	&nbsp;

	ŞIRNEX / COLMERGÊ – Malbatên 34 qurbaniyên Komkujiya Roboskiyê cejnek din jî li ser gorên zarokên xwe pêşwazî kirin.&nbsp;

	&nbsp;

	Balafirên şer ên Tirkiyê di 28’ê Kanûna 2011’an de li gundê Roboskiyê ya bi ser navçeya Qilebana Şirnexê ve 19 jê zarok 34 welatiyên ji vî gundî bombebaran kiribû û ew qetil kiribûn. Malbatên qurbaniyên Roboskî bi wesîleya Cejna Qurbanê çûn ser gorên zarokên xwe û cejnek din jî li ser goristanê pêşwazî kirin. Malbat wek di her bîranînê û cejnê de xemgîn bûn û duayan li ser gorên zarokên xwe kirin.&nbsp;

	&nbsp;

	Endamê Desteya Rêveberya Navendî (MYK) ya HDP’ê Ferhat Encu têkildarî serdana goristanê ya malbatan got: “Dîsa sibehek cejnê û dîsa Dayikên Roboskî li ser gorên zarokên xwe digirîn.”&nbsp;

	&nbsp;

	COLEMÊRG&nbsp;

	&nbsp;

	Rêxistina HDP’ê ya Navçeya Gevera Colemêrgê jî serdana goristanên li taxên Orman û Bajêrge kir û kesên di têkoşîna azadî û demokrasiyê de jiyana xwe ji dest dane bibîr anî. Parlamenterê HDP’ê yê Colemêrgê Saît Dede, rêveberên HDP’ê, Dayikên Aştiyê û malbat beşdarî serdana goristanan bûn.&nbsp;

	&nbsp;

	Rêveberên HDP’ê û Dayikên Aştiyê ewilî serdana gora Suleyman Aksû yê ku di Komkujiya Pirsûsê de bi 33 hevalên xwe re hatibû kuştin kir û li ser gorê rêz girtin.&nbsp;

	&nbsp;

	Parlamenter Saît Dede destnîşan kir ku tevî ku 6 sal di Komkujiya Pirsûsê re derbas bûn jî hêj faîl li pêşberî darazê nehatine darizandin û got: “Em biçin jî nifşên li pişt me werin, ne 6 sal 600 hezar sal di ser re derbas bibe wê hesabê vê komkujiyê ji berpirsiyaran bixwazin.”&nbsp;

	&nbsp;