
HDP’ê serdana gundên Êlihê kir: Gundiyan azadiya Ocalan xwest  

2021-07-27 16:11:04


	ÊLIH - Şandeya HDP’ê serdana gundên Hezoyê kir û ji xelkê herêmê re behsa pêvajoya tecrîdê, greva birçîbûnê û doza girtinê kir. Xelkê gundan daxwaziya azadiya Ocalan kirin. &nbsp;

	&nbsp;

	Rêxistina HDP’ê ya Bajêr a Êlihê serdana gelek gundên navçeya Hezoyê kir. Di serdana her gundekî de behsa tecrîda li ser Rêberê PKK’ê Abdullah Ocalan, greva birçîbûnê û doza girtina HDP’ê hat kirin. Balkêş bû ku di serdanan de azadiya Ocalan hat xwestin.&nbsp;

	&nbsp;

	Berdevka Meclîsa Jinan a HDP’ê û Parlamentera Êlihê Ayşe Acar Başaran, parlamenterên HDP’ê yên Êlihê Feleknas Ûca û Necdet Îpekyuz, Hevşaredarê Êlihê Mehmet Demîr ê ku qeyûm danîn şûna wî, Hevserokên HDP’a Êlihê Omer Kulpu û Fatma Ablay, aktîvîstên TJA’yê û rêveberên HDP’ê ewilî li Bajaroka Kaniyahenê ya bi ser navçeya Hezoyê ve civiyan. Şande bi sê başkan ve serdana gundan kir.&nbsp;

	&nbsp;

	DAXWAZA AZADIYA OCALAN HAT KIRIN&nbsp;

	&nbsp;

	Şandeya HDP’ê ewilî serdana gundê Zîlana Hezoyê ku li wir&nbsp;Îsa Ûke yê&nbsp;roja 10’ê tîrmehê di qenala avê de xeniqîbû kir.&nbsp;

	&nbsp;

	Şandeyên HDP’ê bi sê baskan ve serdana gundên Bacaxê, Xoxê, Dêle, Simaîlka, Kanîyaberê, Selîvê, Huskut, Melkîşa, Şelmo, Baqînê, Avaga, Malêgir, Qeynterê, Celdeka, Kenik, Baştirma Jorî, Eynhesarê, Şedirkê û Xedîrê kir.&nbsp;

	&nbsp;

	Di serdanan de xelkê gundan bi kêfxweşî pêşwazî li şandeyên HDP’ê kir û xwarin û vexwarinê îkramî wan kirin. Daxwaza sereke ya xelkê van gundan ew bû ku tecrîda li ser Ocalan were bidawîkirin û azadiya Ocalan pêk were.&nbsp;

	&nbsp;

	SÛCÊ NAVNETEWÎ&nbsp;

	&nbsp;

	Parlamenter Feleknas Ûca di serdanan de destnîşan kir ku Tirkiye bi tecrîdê sûc dike û bang li hiqûqa navnetewî kir ku bikeve dewrê. Ûca bal kişand ser greva birçîbûnê û got daxwaza girtiyan ji aliyê îqtidarê ve ji nedîtî ve tê û lê belê wê bi berxwedana civakê hikumet neçar bimîne ku gavan biavêje.&nbsp;

	&nbsp;

	DOZA GIRTINA HDP’Ê&nbsp;

	&nbsp;

	Parlamenter Necdet Îpekyuz jî bal kişand ser doza girtina li HDP’ê hatiye vekirin û destnîşan kir ku îqtidara ku her roj li meydanan qala demokrasiyê dike lê radibe doza girtinê li HDP’ê vedike û bi vî awayî dawiya xwe tîne.&nbsp;

	&nbsp;

	‘ÎQTIDAR JI DEMOKRASIYÊ DITIRSE’&nbsp;

	&nbsp;

	Berdevka Meclîsa Jinan Ayşe Acar Başaran jî li gundê Xedîrê çû nav baxçeyê malbatek ku karê titûnê dikirin û alîkariya&nbsp;wan kir. Başaran di serdanên gundan de bal kişand ser tecrîd, greva birçîbûnê û doza girtina HDP’ê û pirsên welatiyên li gundan ên derbarê pêvajoyê de bersivand. Başaran destnîşan kir ku divê her kes deng bide dengê gritiyên dikevin greva birçîbûnê û pêwîste her kes kevirek bide ser kevirekî. Başaran anî ziman ku di doza girtina HDP’ê de ew baş dibînin û nîşaneya tirsa îqtidarê ya ji demokrasiyê ye.&nbsp;

	&nbsp;

	&nbsp;