
Têkildarî şewata li Marmarîsê zanyariyek nû 

2021-07-30 11:16:33


	NAVENDA NÛÇEYAN - Sedemê şewata li Marmarîsê diyar bû. Du zarokên 10 salî ku tê îdiakirin şewat derxistine li gel pedagog îfadeyên wan hat girtin û gotine “Me pirtûk dişewitand, agir gur bû. Me xwest em bitefînin. Lê netemirî. Em jî reviyan.”&nbsp;

	&nbsp;

	Li navçeya Marmarîsê ya Mûglayê duh şewata daristanê derketibû û hêj didome. Di demek kin de şewat belav bû. Şewat nêzî jîngehê bûye. Her çiqas tîmên agikurjiyê mudaxile dikin jî lê şewat ji ber ku belav bûye û gûr e nayê vemirandin.&nbsp;

	&nbsp;

	Şahîn Akdemîr ê 25 salî ku ji bo vemirandina agir piştgirî da tîmên agirkujiyê, motosîklêta wî qelibî û di nava gûrika agir da ma û jiyana xwe ji dest da.&nbsp;

	&nbsp;

	Yên ku malên wan nêzî cihê şewatê îdia kirin ku şewat ji aliyê zarokên cîranên wan ve hatiye derxistin. Li ser vê yekê Amirtiya Buroya Zarokan a Miduriyeta Polîsan a Marmarîsê li ser vê yekê îfadeyên 2 zarokên temenê wan derdora 10 salî li gel pedagog wergirt.&nbsp;

	&nbsp;

	Hat zanîn ku zarokan di îfadeyên xwe de wiha gotine: “Me pirtûk dişewitand, agir gur bû. Me şûşeya kolayê dagirt û xwest agir bitefînin. Lê netemirî. Em jî reviyan.”&nbsp;

	&nbsp;

	&nbsp;