
Hunermendan komkujiya li Konyayê şermezar kir

2021-07-31 18:17:01


	&nbsp;

	&nbsp;

	&nbsp;

	&nbsp;

	&nbsp;

	AMED - Li Amedê hunermendên kurd bi daxuyaniyekê komkujiya li Konyayê ya li hemberî malbata kurd Dedeogûllari şermezar kirin û xwestin kurd li dijî êrîşan şiyar bin.&nbsp;

	&nbsp;

	Bertekên li dijî komkujiya ku li Konyayê li hemberî malbata kurd Dedeogûllari ve pêk hat didomin. Hunermendên kurd dema li Amedê Komxebata Çandê pêk dianîn li navçeya Meram a Konyayê ji malbata Dedeogullari 7 kes hatin qetilkirin. Hunermendan piştî komxebata çandê têkildarî komkujiya li Konyayê pêk daxuyaniyek dan çapemeniyê.&nbsp;

	&nbsp;

	Li ser navê hunermendan şanoger Omer Şahîn daxuyanî xwend û bi bîrxist ku ev demek e li bajarên Tirkiyeyê li hemberî malbatên kurd êrîşên hovane pêk tên û got: “Hêzên faşîst destpêkê li Îzmîrê Denîz Poyraz qetil kirin. Hê ev êş di dilê me kurdan de zindî bû ku xeberek din ji Konyayê hat. Tenê ji malbatekê 7 kes dîsa bi êrîşa faşîstan ve ru bi rû man û hatin qetilkirin.

	&nbsp;

	Hunermend Şahîn da zanîn ku dema ev bûyer pêk hat hunermendên kurd, ji bo rojên pêş festîvalan organîze bikin li Amedê di kom xebatekê de bûn û wiha got: “Wekî her welatperwerekî kurd, em jî di bin tesîra vê bûyerê de man. Ya rastî kes û saziyên berpirsyar her çi qas van qetliama wek bûyerên ji rêzê û krîmînal bidin nişandan jî em baş dizanin ku li Tirkiyeyê bûyerên bi vî awayî heta niha ji aliyê hêzên tarî ve pêk hatine.”

	&nbsp;

	'BINGEHA KOMKUJIYÊN NÛ'

	&nbsp;

	Şahîn diyar kir ku heta niha kiryarên qetlîaman her tim ji aliyê rayedarên dewletê ve hatine parastin û wiha pê de çû: “Ev nêzîkatî û feraset bingeha qetlîamên nû ava dike. &nbsp;Her wekî din rayedarên ku hewce ye bi berpirsiyarî tev bigerin, ketine pey bincilkirina sedema vê qetlîamê.”

	&nbsp;

	BANGAWAZÎ JI BI ŞIYARBÛNÊ&nbsp;

	&nbsp;

	Hunermendan destnîşan kirin ku îro gelê kurd bi qirkirineke fîzîkî û çandî re rû bi rû ye û gotin: “Pêwîst e gelê me li her derê şiyar be û li hember van êrîşan xwedî helwest be. Li hemberî qirkirinan rêya sereke xurtkirina rêxistinbûyînê ye.”

	&nbsp;

	'BÊDENG NEMÎNIN'

	&nbsp;

	Hunermendan di dawiya axaftina xwe de careke din komkujî lanetkirin û bang li hunermend û raya giştî ya cîhanê kirin: “Em hunermendên kurd, em bang li hemû hunermend û gelên cîhanê dikin ku li hemberî qirkirinên li ser kurdan pêk tên bêdeng nemînin û bibin xwedî helwest. Em careke din vê êrîşa hovane ku li Konyayê pêk hatiye lanet dikin û em dibêjin em ê tu caran vê bûyerê ji bîr nekin û nedin jibîrkirin.”&nbsp;

	&nbsp;

	&nbsp;