Umîtcan Ûygûn ji mirina biguman a jinekê hat binçavkirin 

2021-08-05 13:04:46


	 

	ENQERE - Umîtcan Ûygûn ê gumanbarê sereke yê mirina Aleyna Çakir vê carê jî têkildarî mirina biguman a Esra Hankûlû hat binçavkirin. 

	 

	Umîtcan Ûygûn ê gumanbarê sereke yê mirina Aleyna Çakir a weke Sema Esen (21) ku di 3’yê hezîrana 2020’an de li navçeya Keçîoren a Enqereyê li mala xwe mirî hatibû dîtin, têkildarî mirina Esra Hankûlû (25) jî hat binçavkirin. Polîsên ku li ser îxbarê çûn mala li Taxa Akdere ya navçeya Mamakê, bi cenazeyê Hankûlû re rûbirû man. 

	 

	Hat hînbûn ku di îfadeyên şahidan de Umîtcan Ûygûn herî dawî bi Hankûlûyê re hatiye gelhev. Derket holê ku telefona Hankûlû jî li cem wê nehatiye dîtin. Cenazeyê Hankûlû ji bo otopsiyê rakirin Saziya Tiba Edlî. Hat diyarkirin ku kirariyên îfadeyan ên Umîtcan Ûygûn ên li miduriyeta polîsan didomin.

	 

	Umîtcan Ûygûn di lêpirsîna têkildarî mirina Aleyna Çakir de hatibû binçavkirin, berdan. Pişt re Ûygûn ji bikaranîna tiryakê di 10’ê çileyê de hatibû girtin û liser îtîraza parêzerê wî di 17’ê tîrmehê de hatibû berdan. Ûygûn, weke gûmanbarê sereke yê mirina Aleyna Çakir tê darizandin.