
TTB: Em ji bo jiyan û jiyandinê derzî dibin  

2021-08-05 15:35:54


	&nbsp;

	STENBOL - Seroka Konseya Navendî ya TTB’ê Şebnem Korûr Fîncanci, destnîşan kir ku divê her cure fikarên ser derzîkirinê bên derbaskirin û bi gotina “Derzî bûyîn deynê me yê li hemberê hevûdu ye” herkes vexwend derzîkirinê.&nbsp;

	&nbsp;

	Yekitiya Bijîşkan a Tirk (TTB), bi armanca agahdarkirina li dijî fikarên derziyê û piştevaniya xebatên derziyê yên li dijî Kovîd-19’ê li avahiya Odeya Bijîşkan a Stenbolê ya li Cagaloglûyê civîna çapemeniyê li dar xist. Di civînê de pankarta “Kovîd-19 nexweşiyeke ku dikare were astengkirine. Ji bo bijîn û bidin jiyîn em derzî bibin” hat daliqandin. Civîna ku Seroka Konseya Navendî ya TTB’ê Şebnem Korûr Fîncanci û Seroka Odeya Tabîban a Stenbolê Pinar Saîp beşdar bûn, ji gelek bajêran serokên odeyên din ên bijîşkan bi awayekî online beşdarî civînê bûn. &nbsp;

	&nbsp;

	GIRÎNGIYA DERZÎ KIRINÊ

	&nbsp;

	Fîncanci ya di civînê de axivî destnîşan kir ku amûrekî herî girîng ê têkoşîna bi pandemiyê re derzîkirine û wiha got: “Derzî bûyîn deynê me yê li hemberê hevûdu ye. Ji ber varyanta Deltayê zêde bû şewb kete serdemeke zortir. Vê rewşê jî cîdiyet û girîngiya derzîkirinê zêde kiriye.” Fincanci, hişyar kir ku varyanta deltayê zêdetir belav dibe. Fîncanci destnîşan kir ku heke rêjeya derzîkirinê ser ji sedî 80-85 pêk were belavbûna şewbê dikare were sekinandin.&nbsp;

	&nbsp;

	‘FIKAR JÎ WEKE VÎRÛSÊ BELAV DIBE’

	&nbsp;

	Fîncanci, bang li kesên li dijî derziyê bi fikar in kir û wiha got: “Heke hûn derzî bibin hem hûn ê xwe biparêzin hem jî di heman demê de zarokên we dê bikarin bijîn û biçin dibistanê. Heke hûn derzî bibin wê di beşên lênêrîna lezgîn de ji nexweşên we re cih were dîtin. Ji bîr nekin fikar jî weke vîrûsê belav dibe.”

	&nbsp;

	BANG LI WEZÎRÊ TENDURISTIYÊ KIR

	&nbsp;

	Fîncanci bang li Wezîrê Tenduristiyê û desthilatê kir ku derbaskirina her cure fikarên ser derzîkirinê peywîra wan e.

	&nbsp;

	DIVÊ DANE RAST BÊN AŞKERAKIRIN

	&nbsp;

	Seroka Odeya Tabîban a Stenbolê Pinar Saîp jî xwest ku Wezareta Tenduristiyê daneyên di destê xwe de bi awayekî rast ragihîne û bergiriyên pêwist bigire. Saîp, diyar kir ku divê li hin saziyan derzîkirin bi zorê bê kirin û desthilat dest ji quretiya xwe berde û ligel odeyên pîşeyî tevbigere.

	&nbsp;