
Li Bazarcixê cihêkariyê di warê xizmetê de dikin

2021-08-13 09:06:56


	MEREŞ - Li navçeya Bazarcixê li taxên ku welatiyên elewî lê dimînin rê di çarçoveya çêkirina pergala bin erdê hatin kolandin û wisa hatin hiştin. Welatiyan anî ziman ku bi cihêkariyê re rû bi rû mane.&nbsp;

	&nbsp;

	Li taxên Fatîh, Çamli Tepe, Cengîz Topel, Nûrettîn Ademoglû û Memîş Ozalê yên navçeya Bazarcix a Mereşê rê bûne wekî kunên xiltan. Li taxên ku li hêla Bazarcixa Jor dikevin û welatiyên elewî lê dimînin, rêyên wan bi hinceta çêkirina pergala bin erdê hatin kolandin û wisa hatin hiştin. Ji ber vê tax havînan di nav tozê û zivistanan jî di nav heriyê de dimînin. Şêniyên taxan anîn ziman ku ya tê kirin "cihêkarî" ye.&nbsp;

	&nbsp;

	SOZÊN XWE NEANÎN CÎ'

	&nbsp;

	Li Taxa Cengîz Topelê esnaf Tûran Ateş, anî ziman ku herî dawî rê di sala 2010'an de hatine çêkirin û ji wê çaxê heya niha tiştek nehatiye kirin. Ateş got: "Wesayîtên min tim li cem tamîrker in." Ateş, bilêv kir ku ji ber vê berê esnafan çalakiyeke protestoyê li dar xistine û piştî hevdîtinan soz hatiyye danîn ku dê rê bên çêkirin, lê belê rayedaran sozên xwe neanîne cih.&nbsp;

	&nbsp;

	CIHÊKARÎ

	&nbsp;

	Ateş got: "Rêyên Bazarcixa Jêr hatin çêkirin, lê kolana me ya herî qelebalix hê nehatiye çêkirin. Jêr çêkirine û vir çênekirin, nexwe ev cihêkarî ye. Em raya xwe bidin û nedin jî, hûn mecbûr in xizmeta me bikin. Kî tê dixwe, kî diçe dixwe. Xizmet tune. Êdî em ji ber vê tozê helaq bûn."&nbsp;

	&nbsp;

	HERÊMA MEXDÛRBÛNÊ&nbsp;

	&nbsp;

	Alî Barûç ku anî ziman 15 sal in li Taxa Fatîhê esnaf e, bilêv kir ku 5 sal in rêyên wan nehatine çêkirin û kes pê re eleqedar nabe. Piştî xebatên KASKÎ, AKEDAŞ û Şîrketa Gaza Xwezayî ya Arsan Maraşê, rê bûn enqaz û man. Barûç, destnîşan kir ku ev enqaz wisa hatine hiştin û got: "Hem gel hem esnaf di nav tozê de hiştin. Mirov nikarin li vir danûstendinê bikin. Şaredariyê em û tamîrkeran kirin kirîv. Kargeh di nav toz û telazê de ne. Tenduristiya me xirab bû. Di vê germa havînê de ji ber tozê em nikarin bişin li şaneşînên xwe rûnên. Zarokên me di nav toz û telazê de ne. Herêma mexdrûbûnê. Me gelek caran daxwazname dan, lê tiştek jê drneket. Heyf e."&nbsp;

	&nbsp;

	Şêniyê Taxa Çamli Tepeyê Abdûllah Yaşarkizil jî got: "Ne peya ne jî wesayît nikarin tevbigerin. Mirovên me divê doza heqên xwe bikin."&nbsp;

	&nbsp;

	MA / Bariş Polat&nbsp;