
Qeymeqamê Qoserê ji AKP’ê re bû sponsor

2021-08-13 12:35:55


	&nbsp;

	RIHA - Qeymeqam û qeyûmê Qoserê Huseyîn Çam, ji “Hevdîtina hilbijêrên nû” ya Baskên Ciwanan a AKP’ê ya Mêrdînê re bû sponsor.&nbsp;

	&nbsp;

	Baskên Ciwanan a AKP’ê ya Mêrdînê ji bo gera hilbijartinê ya duh li Rihayê pêk anîn, ji Qeymeqamê Qoserê û di heman demê de qeyûmê Şaredariya Qoserê Huseyîn Çam re spasiyên xwe peşkeş kir. Serokê Baskên Ciwanan ê AKP’ê yê Mêrdînê Mehmet Savaşçi, wêneyên têkildarî gera di bin navê “Hevdîtina hilbijêrên nû” li navçeya Xelfetiyê û navenda Rihayê pêk anîn, li ser hesabên xwe yên medya sanal Huseyîn Çam etîket kirin û ev peyam parve kir: “Di hevdîtina me ya hilbijêrên nû ya Qoserê de, li gorî daxwaza ciwanên me, me gera xwe ya Xelfetiyê û Rihayê pêk anî. Ji bo alîkariya Qeyqemeqamê me yê Qoserê @huseyincam84 em spasiyên xwe pêşkeş dikin.” Heman wêne û peyam li ser hesabên Baskên Ciwanan a AKP’ê ya Mêrdînê jî, hatin parvekirin.

	&nbsp;

	Welatiyên ku heman wêne ji hesabên xwe yên medya sanal de parve kirin jî bertek nîşanî alikariya qeyûm û qeymeqamê Qoserê ya ji bo xebatên hilbijartinê yên AKP’ê da. Welatiyekî ku wêne parve kirin û wiha got: “Baskên Ciwanan a AKP’ê ya Mêrdînê, di sponsoriya Qeymeqam û qeyûm de xebatên hilbijartinê kirine.” Welatiyekî din jî wiha got: “Weke Qoseriyekî ez heqê xwe helal nakim. Hilbijêrên we yên ew qas dewlemend çima alikariya wan nakin?”

	&nbsp;

	AŞÛRE BELAV KIRIN

	&nbsp;

	Li aliyê din hat hînbûn ku Qeyûm Çam duh ligel Serokê AKP’ê yê Qoserê Bulent Şahîn li ser Cadeya Qoserê aşûre belav kiriye.

	&nbsp;

	&nbsp;

	&nbsp;